Parlementar: Tevlîbûna TBI di projeya hejmara min de nayê wateya tewtînkirina mûçeyan

PUKMEDIA

Parlamenterê Parlamentoya Êraqê Kerwan Yarwês

Parlamenterê Parlamentoya Êraqê Kerwan Yarwês ragihand ku gihandina hejmara min ji aliyê TBI ve nayê wê wateyê ku biryara Dadgeha Federalî were cîbicîkirin, herweha bersiva daxwazên karmendên herêmê jî nine û got: Ev heft mehin TBI li forma hejmara min zêde bûye lê ji bilî çend ser hejmareke bankî tiştekî din ne kiriye.

Biryarderê Fraksiyona Yekîtiya Niştimanî ya Kurdistanê li Parlamentoya Êraqê Kerwan Yarwês ji PUKMEDIA re ragihand: Banka Bazirganî ya Êraqê TBI beriya 7 mehan di forma projeya hejmara min de cih girtibû. Tiştê ku pirsan derdixe holê ew e ku niha, di demekê de ku hewildanên ji bo cîbicîkirina biryara Dadgeha Federalî û tewtînkirina mûçeyan, banka navborî tevlîbûna xwe di projeya hejmara min de radigihîne.

Kerwan Yarwês got jî: Pêwîste her kes vê rastiyê bizane ku tevlîbûna TBI Bankê di projeya hejmara min de, ne bi wateya destpêkirina tewtînkirin û cîbicîkirina biryara Dadgeha Federalî ye û ne jî bersiva daxwazên karmendên herêmê ye. TBI 7 meh berê tev li projeya hesabê bû, tenê ji bo çend sed karmendan hesabên bankê vekiriye.

Biryarderê Yekîtiya Nîştimanî diyar kir: Dema ku karmend forma projeyê hejmara min tijî dike, karmend dikare banka TBI wek bijareya sereke hilbijêre, lê di xaneya yedek dîkare bamkeke ehlî hilbijêre ji ber ku TBI tekane banka hikûmetê ye di projeyê de, û got: “banka navborî Hîn proseya vekirina şaxên wê li parêzgeha Helebce û dezgehên Germiyan, Raperîn, Zaxo û Soran dest pê nekiriye, herweha ti amêrêm ATM bo dabeşkirina mûçe dîdnenaye.  

Hewldanên Yekîtiya Niştimanî ya Kurdistanê ji bo tewtînkirina mûçeyên karmendên Herêma Kurdistanê di bankên hikûmeta Êraqê de berdewam in, ji ber ku dest bi kampîna komkirina îmzeyan di nav civata nûneran de kir û herwiha doz li Dadgeha Kerx a Bexdayê vekir li dijî astengkirina tewtînkirin û zorkirina karmendan ji bo tevlêbûna projeya hejmara min ji aliyê hikûmeta herêmê ve.

Dadgeha Bilind a Federal di rûniştina xwe ya roja 21/2/2024ê de biryar da, ku serokwezîrê hikûmeta federal û serokwezîrê Herêma Kurdistanê mecbûr bike ku mûçeyên karmendên hemû wezaret, parêzgeh û dezgehên ku bi wezaretekê ve girêdayî ne û hemû karmendên dezgehên din ên hikûmetê, kesên  xanenîş û sûdmendên tora parastina civakî li bankên hikûmeta federal ên ku li derveyî herêmê kar dikin, tewtîn bikin, û ji pişka herêmê ya ku li gorî bûdceyê hatiye diyarkirin bibirin.

PUKMEDIA