Seidî Ehmed Pîre: YNK li gel çareseriya aştiyane ye

PUKMEDIA

Nesrullah Zarêi Reşnûdî Konsulê Giştî yê Komara Îslamî ya Îranê li Herêma Kurdistanê û Seidî Pîre

Berdevkê Yekîtiya Niştimanî ya Kurdistanê Seidî Ehmed Pîre li Hewlêrê pêşwaziya şanda Komara Îslamî ya Îranê kir ku ji Nesrullah Zarêi Reşnûdî Konsulê Giştî yê Komara Îslamî ya Îranê li Herêma Kurdistanê û hejmarek şêwirmend û dîplomatên wî welatî pêkhatibû, kir.

Di hevdîtinê de rewşa siyasî ya navçeyê bi giştî û Êraq û Herêma Kurdistanê bi taybetî hate gotûbêjkirin, kunsolê giştî ragihand: Komara Îslamî ya Îranê ji bo aramiya siyasî, aştî, pêşdebirina proseya siyasî, geşepêdana aborî, geşbûna zêdetir û bihêzkirina demokrasiyê li navçeyê, giringiyê dide rewşa siyasî ya Êraqê bi giştî û Herêma Kurdistanê bi taybetî.

Seidî Ehmed Pîre tekez kir ku YNK dixwaze pirsgirêkên siyasî li gorî xalên destûra herdemî ya Êraqê çareseriyeke dîplomatîk pêk bîne bi rêya diyaloga aştiyane û gihiştina çareseriyeke guncaw ku ji bo gelê Êraqê bextewarî û aramiyê bîne.

Bi boneya bi dawî hatina erkê wî yê weke Konsolê Giştî yê Komara Îslamî ya Îranê, Seidî Ehmed Pîre spasiya rola Nesrullah Zarêi Reşnûdî ya girîng di pêşxistina peywendiyên siyasî, aborî û çandî yên di navbera Komara Îslamî ya Îranê û Herêma Kurdistanê de kir, herweha hêviya serkeftinê di erkê wî yê pêşerojê de xwest.

PUKMEDIA