Lîsta Mûçe radestî Bexdadê kirin û hewlên tewtînkirinê berdewam e

Kurdistan 10:52 AM - 2024-11-03

Dirvên Êraqî

Wezareta Darayî û Aborî ya Hikûmeta Herêma Kurdistanê îro yekşemê lîsteyên mûçeyên karmendan radestî Wezareta Darayî ya Federalî kir.

Wezareta Darayî di daxuyaniyekê de ku wêneyek jê ketiye destê PUKMEDIA, ragihand: Îro Yekşemê 3/11/2024 lîsteyên mûçeyên meha Çiriya Pêşîn yên Herêma Kurdistanê radestî rêveberiya giştî ya Budçe li Wezareta Darayî ya Federal hat kirin bi rêya nûnerê Wezareta Darayî û Aborî.

Hewldan berdewam in

 

Hewldanên Yekîtiya Niştimanî ya Kurdistanê ji bo cîbicîkirina biryara Dadgeha Federalî ya ji bo tewtînkirina mûçeyên karmendên Herêma Kurdistanê di bankên federal de berdewam in.
Di vê derbarê de biryarderê Yekîtiya Niştimanî Kerwan Yarwês di daxuyaniyekê de ji PUKMEDIA re ragihand: Yekîtiya Niştimanî dest bi kampîna komkirina îmzeyên nûnerên li ser yadaştnameyê kir ji bo piştgîrî kirina biryara Dadgeha Federalî ya derbarê tewtînkirina mûçeyên karmendên herêmê di bankên hikûmeta Êraqê de.

Kerwan Yarwês her wiha got: Heta niha 125 parlamenteran yadeştnameya Yekîtiya Niştimanî îmze kirine ku di nav wan de 10 serkirdeyên fireksiyon hene û dê kampîn ji bo komkirina îmzeya herî zêde ya parlamenteran berdewam be.