Li Silêmanî û Helebce şaxên nû yên bankayên Êraqî hatin vekirin

PUKMEDIA

Dirvên Êraqî

Çavkaniyekî agahdar eşkere kir ku di heftiya bê de şaxên nû yên bankên Rafîdên û Reşîd û Banka Bazirganî ya Êraqê li parêzgehên Silêmanî û Helebce tên vekirin.

Ajansa Nûçeyan a Bexdayê îro li ser zarê çavkaniyê agahdar ragihand: Vekirina şaxên bankên Rafîdên û Reşîd û Banka Bazirganî ya Êraqê li parêzgeha Silêmaniyê hate pejiorandin û wê li naverasta cadeya 60 ya bajêr be. Amaje bi wê yekê jî kir: Li parêzgeha Helebceyê şaxeke banka bazirganiyê ya Êraqê û li navçeyên Germiyan û Raperînê jî dê şaxên banka bazirganiyê yên Êraqê bên vekirin, bi armanca zêdekirina navendên tewtînkirina mûçe li bankên federal.

Hejmara min li dijî biryara Dadgeha Federal e

Derbarê vê mijarê de, Nûnera Yekîtiya Niştimanî ya Kurdistanê Suzan Mensûr ji PUKMEDIA re ragihand: Bi destpêkirina civînên civata nûneran re, emê hewlên xwe bo bi cîhkirina mûçeyên karmendên Herêma Kurdistanê di bankên federal de zêdetir bikin.

Suzan Mensûr got jî: Projeya (Hejmara Min) bûye tiştekî berê û êdî tiştekî bi vî navî nemaye, lê divê mûçeyên karmendên herêmê di bankên federal de bên cîbicîkirin heta dawîya îsal", tekez kir ku "Projeya (Hesaba Min) projeyek kesane ye û bi temamî berovajî biryara Dadgeha Federalî ye û fireksiyona me di wê baweriyê de ye ku erkê wê ye ku li gorî biryara Federalî ji bo çareserkirina vê pirsgirêkê zêdetir hewl bide, dawî li paşxistina mûçeyên karmendan li herêmê bîne û tê hêvîkirin ku heta dawiya salê pirsgirêk çareser bibin.

Şaxên banka federal hatin vekirin
Derbarê heman mijarê de Parlementerê Yekîtiya Niştimanî ya Kurdistanê Xerîb Ehmed jî ji PUKMEDIA re ragihand: Em weke Yekîtiya Niştimanî hewlên xwe didin ji bo vekirina şaxên bankên Êraqê li Herêma Kurdistanê û li ser xistina vê yekê di civînên civata nûneran de kar dikin,ji aliyeke din ve jî em hewl didin rêkarên vekirina şaxên bankên El-Reşîd û El-Rafîdeyn li Hewlêr û Silêmaniyê temam bikin û piştre jî karmendên herêmê dikarin li van her du bankayan hesaban vekin.

Xerîb Ehmed got jî: Me bi Wezareta Darayî ya Federalî û aliyên peywendîdar re dest bi hemahengiyê kir, ji bo bidawîkirina tedbîrên destpêkirina tewtînkirin û cîbicîkirina biryara Dadgeha Federalî, ji ber ku xwecihkirin di bankên hikûmeta Êraqê de mijareke çareserkirî ye ku nayê gotûbêj kirin

PUKMEDIA