Komîsyon sedemên dengên nederbasdar vedibêje

PUKMEDIA

Makîneyên dengdanê

Peyvdarê Komisyona Bilind a Serbixwe ya Hilbijartinan sedemên pûçbûna hîn dengan ya hilbijartina  rûniştina şeşemîn a hilbijartinên Parlamentoya Kurdistanê de eşkere kir û got:“Hejmara dengên nederbasdar asayî ye û ji sînorê yasayî derbas nebûye.’’

Berdevka Komisyona Bilind a Serbixwe ya Hilbijartinan a Iraqê Cumana Xelayî ji malpera fermî ya Yekîtiya Niştimanî ya Kurdistanê (PUKMEDIA) re ragihand:“Niha komîsyon giliyan tesnîf dike û li gorî lêkolînan piraniya giliyan zer û kesk xuya dikin, ango giliyên sor ên ji bo komîsyonê girîng in nînê ku ji bo me girînge.’’

 Cumana Xelayî got: "Komîsyona Bilind a Serbixwe ya Hilbijartinan dê namzedan vexwîne ku hemû dane û amarên ku li ser wan gilî kirine di rojên pêş de pêşkêş bikin berî ragihandina encamên dawî yên proseyê."

Berdevkê komîsyonê got:“Tevî ku hejmareke zêde ya dengan nederbasdar bûn, lê ew hejmar ji rêjeya yasayî derbas nebûye, lê sedema betalbûna dengan ew e ku dengderan kandîd  û list hilbijartiye, yan jî hinek pusûleyên dengdanê vala ne.”

Sedemeke din a dengên nederbasdar jî ew e ku dengderan di heman demê de dengê xwe dane berbijarekî serbixwe, ku li gorî yasayê jî betal e û diviyabû namzedan zêdetir şiroveyan bidana dengderan.Li gorî agahiyan, di gera şeşem a hilbijartinên parlamentoyê de 209 hezar û 200 deng betal bûne, piraniya wan li herêma Hewlêrê, 97 hezar û 400 deng, li herêma Duhokê 90 hezar û 500 deng betal bûne, li herêma 2 ya Helebce jî hezar û 700 deng nederbasdar bûne. 

PUKMEDIA