Komîsyon dest bi hûrbîniya di navendên dengdanê yên ne hatine hejmartin de dike

PUKMEDIA

Logoya Komisyona Bilind a Serbixwe ya Hilbijartinê

Îro Sêşem; rêkefta (22-10-2024) an; Komisyona Serbixwe ya Hilbijartinan ya Êraq`ê ragihand ku dê dest bi hûrbîniyê di navendên dengdanê yên ku ne hatine hejmartin de bike; ku prose di nava 3 rojan de dê bê encamdan; ku li Duhok`ê dest pê dike; nûnerên rêxistin û partî û aliyên din jî ji aliyê komisyonê ve hatine agahdar kirin ku ew dikarin ji nêzîkî ve amade bin.

Li gorî daxuyaniyeke fermî ya Komîsyona Bilind ya Serbixwe ya Hilbijartinan a Êraq`ê ku wêneyek ji wê ji PUKMEDIA re hatiye şandin, îro demjimêr 09:00ê danê sibê hûrbînî di navendên dengdanê yên Duhok`ê tê kirin.

Li gor kongreyeke rojnamevanî ya roja (21/10- 2024) an Komîsyona Bilind ya Serbixwe ya Hilbijartinan a Êraq`ê ji bo ragihandina encamên destpêkê yên Gera Şeşem ya Hilbijartina Parlemana Kurdistan`ê hat sazkirin, ragihand ku dengên 26 navendên dengdanê negihîştine wan.

Li gor wê nameyê, proseya hûrbîniyê dê sibê (23-10-2024)an ji bo navendên dengdanê yên Silêmaniyê û roja 24`ê Cotmeh`ê jî hûrbîniyê li navendên dengdanê yên Hewlêr`ê were kirin;Komîsyona Bilind ya Serbixwe ya Hilbijartinan a Êraq`ê agahdarî hemû birêkar, hevpemaniyên partiyan, çavdêrên rêxistinên navneteweyî û herêmî û rojnamevanên kiriye ku ew dikarin ji nêzîk ve pêvajoyê bişopînin, ku dê li navendên wê yên hûrbîniyê dê bên kirin.

Komîsyona Bilind ya Serbixwe ya Hilbijartinan a Êraq`ê encamên destpêkê yên Gera Şeşemîn ya hilbijartinên Parlemana Kurdistan`ê eşkere kir ku rêjeya wê ji sedî 99.63 hjimartina dengan temam bûne.

Proseya hilbijartinê roja 18`ê Cotmeh`ê bi dengdana taybet û piştî 48 demjimêran di 20`ê Cotmeh`ê de bi dengdana giştî ji aliyê Komîsyona Bilind ya Serbixwe ya Hilbijartinan a Êraq`ê ve dest pê kir.

PUKMEDIA