Nêrweyî: Yekîtî li Helebce û Silêmanî yekeme û li Hewlêr duyeme

PUKMEDIA

erpirsê Burda Ragihandinê ya Yekîtiya Niştimaniya Kurdistanê (YNK) Latîf Nêrweyî

 Berpirsê Burda Ragihandinê ya Yekîtiya Niştimanî ya Kurdistanê dibêje: YNK yekem serketiya gera şeşem a hilbijartinên parlamentoyê ye, li Helebce û Silêmaniyê yeke û li Hewlêrê jî duyeme.

Berpirsê Burda Ragihandinê ya Yekîtiya Niştimaniya Kurdistanê (YNK) Latîf Nêrweyî di dema beşdarbûna xwe di gera nûçeyan a demjimêr 12 a kanala gelê Kurdistanê de got: Di vê hilbijartinê de kursiyên me ji sedî 30-35 zêde bûne û li gorî encamên destpêkê YNK yekane hêz e ku li her çar parêzgehan kursî bidest xistiye û ev yek jî îsbat dike ku YNK hêzeke giştî ye.

"YNK li Silêmanî û Helebce hêza yekem e û ti hevrikiya wê nîne. Li Koyê û Balîsan me serkeftinên mezin bi dest xistin. Her weha YNK li Germiyan û Raperîn hêza yekem e, li Hewlêr û Duhokê dengên YNKê gelekî zêde bûne.

Amaje bi wê jî kir ku serkeftinên me ji ber naverok û kampînên Serok Bafil Celal Talebanî ne, YNKê di vê hilbijartinê de pêgeha xwe bihêztir kiriye û zêdebûna hejmara ciwanan sedema serkeftina YNKê ye.Got jî: Em ji gelê xwe re dibêjin ku em bi ser ketine, hinek alî jî encamên nerast diweşînin û bi serneketina xwe qebûl nakin.

PUKMEDIA