Derbarê zanyariyên berdevkê Lîsteyê de min ti ravekirin û daxuyaniyek nedaye

PUKMEDIA

Cumana Xelayî

Komîsyona Bilind a Serbixwe ya Hilbijartinan a Iraqê (IHEC)ragihand: “Daxuyaniya ku li ser navê min hatiye dayîn ne rast e. Em ê der barê kesên ku li ser navê berdevkê komîsyonê daxuyanî dane de rê li ber hiqûqî bigirin.’’

Berdevka Komisyona Bilind a Serbixwe ya Hilbijartinan a Iraqê Cumana Xelayî ji malpera fermî ya Yekîtiya Niştimanî ya Kurdistanê (PUKMEDIA) re ragihand: “Daxuyaniya ku li ser navê min hatiye dayîn dûrî rastiyê ye, min li ser civîna çapemeniyê ya Berdevkê Lîsteya 129 a YNK’ê ti daxuyanî nedaye.

Berdevkê komîsyonê got: "Min serokê encûmena komisyonan ji daxuyaniya sexte ya ku li ser navê min hatiye dayîn agahdar kiriye, daku rêkarên yasayî yên pêwîst li hember wan kesên ku li ser navê min xeletî kirine û peyam belav kirine, bê kirin."

Îro berdevkê Lîsteya 129 , Karwan Gazneyî di civîneke rojnamevaniyê de ragihand: "Hemû gotegotên aliyên din derbarê YNKê de derew in û bi mebesta xapandina raya giştî li ser encamên nefermî yên dengdana taybet e, emê rastiyan ji raya giştî û welatiyên Herêma Kurdistanê re eşkere dikin.”

Ev yek di demekê de ye ku çend daxuyaniyên din li ser navê berdevka komîsyonê Cumana Xelayî di medyaya nêzîkî PDKKê de hatine belavkirin.Agahiyên derew dane welatiyan û binpêkirina yasa û exlaqê medyayê ye.

PUKMEDIA