Qubad Talebanî li Zanîngeha Raperîn`ê Beşa Xwendina Îslamî vekir

PUKMEDIA

Birêz Qubad Talebanî gel Mamosteyên Olî

Qubad Talebanî; Cîgirê Serokwezîran li ser daxwaza mamostayên olî yên devera Raperîn`ê; li zanîngeha Raperînê Beşa Xwendina Îslamî vekir; û biryar e jî îsal di her du xwendina danên sibê û êvaran de xwendekar bên wergirtin.

Di merasimekê de,ku roja Şemiyê rêkefta ( 19.10.2024) an, bi amadebûna Dr. Aram Mihemed Qadir; Wezîrê Xwendina Bilind û Lêkolînên Zanistî û hejmarek ji mamosteyên olî yên devera Raperîn`ê birêve çû; Qubad Talebanî bi awayekî fermî li zanîngeha Raperîn`ê Beşa Xwendina Îslamî vekir; û biryare vekirina vê beşê li zanîngeha Raperîn`ê piştî civînekê digel mamostayên olî û hejmarek kesayetiyên akademî yên herêmê hate dayîn.

Di merasimê de Wezîrê Xwendina Bilind û Lêkolînên Zanistî got: Vekirina vê beşê li ser binemaya rêbaza Serok Mam Celal e; ku hertimî tekezî li ser parastin û giringîdan bi nirxên ola pîroz ya ola Îslamê kiribû; û hêvî xwest ku ev yek bibe handanderek ji bo kûrkirina giyanê pêkvejiyana aştiyane li deverê.

Di beşeke din ya vê rêûresmê de Dr.Peyman Ramazan Seroka zanîngeha Raperîn spasiya Qubad Talebanî û Wezareta Xwendina Bilind û Lêkolînên Zanistî ji bo piştevaniya wê beşê kir ji bo vekirina vê beşê û got: Îsal dê xwendekar bo her du danên sibê û êvarê werin wergirtin.

Her di merasîmê de Rêvebirê Giştî yê Ewqaf a Îdareya Raperînê Dr.Ibrahîm Ebdulbaqî spasiya Qubad Talebanî kir ku bala xwe daye vekirina Beşa Xwendina Îslamî li zanîngeha Raperîn`ê û vekirina vê beşê wek gaveke girîng ji bo bilindkirina nirxên bilind nirxand. 

PUKMEDIA