Bi amadebûna Serok Bafil 7. kernevala nasandina berbijêrên YNK`ê li Hewlêr`ê dê bi rêve biçe

PUKMEDIA

Serok Bafil Talebanî

Îro Sêşem; piştî nîvro rêkefta 15- 10-2024an; bi amadebûna Serokê Yekîtiya Nîştimaniya Kurdistanê (YNK) Bafil Celal Talebanî kerneval û bangeşaya dawîn li Hewlêr`ê dê birêve biçe; ku têde Serok Bafil Celal Talebanî dê peyama wî ya nû hebe, pêştir jî di kernevala Lîsta 129 ya Germiyan`ê de gotibû: Ezê Li Hewlêr`ê bersiva wan kesan bidim ku dipirsin emê çi bi dawî bikin; her weha li kernavala Badînan`ê jî tekez kir ku ewê sibê bersiva wan kesên bidim ku bipirsin emê dê dawiyê li çi bînin.

Li gorî daxuyaniya Berdevkê Lîsta 129 a YNK'ê Karwan Gezneyî, Berdevkê fermi yê Lîsta 129 ya Yekîtiyan Nîştimaniya Kurdistan`ê ku wêneyek ji wê ji PUKMEDIA re hatiye şandin aşkere kir ku, YNK dê heftemîn û dawîn kernevala xwe ya ji bo bangeşeya Hilbijartina Gera Şeşemîn ya Parlemana Kurdistan`ê li Hewlêr ya paytext li dar bixe.

Di wê kernevalê de; Bafil Celal Talebanî ; Serokê Yekîtiya Nîştimaniya Kurdistanê (YNK) dê gotarek pêşkêşî welatiyên Hewlêr, Yekîtiyan û welatiyên Herêma Kurdistan`ê bike.

(Em ê Dawiyê Li Desthilata Xwesepandî Bînin) dirûşma serekî yê Lîsta 129 yê YNK`ê ye; û Karnevala dawîn demjimêr îro demjimêr 3 piştî nîvro li Mekteba Siyasî ya YNK’ê ya li ser riya serekî ya Kerkûk`ê dê bi rêve biçe.

Bafil Celal Talebanî ; Serokê Yekîtiya Nîştimaniya Kurdistan`ê (YNK) di dema bangeşeyên ji bo nasandina berbijêrên lîsta 129 ya Yekîtiya Nîştimaniya Kurdistan`ê de li parêzgeh, navçe û qezayan  7 karnavalên mezin li darxistin; her wiha di wan kernevalan de tekez kiribû, ku bi piştevaniya gelê Herêma Kurdistan`ê, emê dawiyê li rejîma desthilatdar, gendelî, cudaxwaz û ne dadperwer bînin, ji bo vê jî pêwîstiya me bi piştevaniya gelê Herêma Kurdistanê heye; û daxwaz ji wan kir ku roja 20ê Cotmeh ya sala 2024 an; sindoqên dengdanê kesk bikin û YNK`ê bikin hêza yekem li Herêma Kurdistan`ê, ji ber ku di dema borî de jî hatiye selmandin ku her dema ku postê serok wezîriyê li cem YNK`ê bûye, xelk di jiyeneke xweşiyê de bibûn.

PUKMEDIA