Qubad Talebanî: Emê di vê hilbijartinê de PDK`ê rawestînin

Ragihandina Qubad Talebanî

Qubad Talebanî

Qubad Talebanî di civîneke girseyî de ragihand ku Ewê di vê hilbijartinê de Partiya Demokrata Kurdistan`ê (PDK`ê) rawestînin û dawiyê li xwe sepandinê bînin, wek çawa ku di heyama du salên borî de, di çendîn wêstgehan de serok Bafil û YNK`ê, Partiya Demokrata Kurdistan`ê (PDK`ê) rawestandibûn.

Qubad Talebanî Berpirsê mekteba Sekreteriya Serok Mam Celal di civîneke girseyî li navçeya Xidran û gundên Binarê Kosret got: Di salên dawiyê de beşeke mezin ji welatiyan ji ber bêhêvîbûna wan ji guhertinan, lawazbûn, nakokiyên di nav refên YNK`ê û sextekariya di hilbijartinan de amade nebûn ku beşdarî hilbijartinan bibin, lê YNK`ê ya nû bi serokatiya Bafil Celal Talebanî hêviyek mezin vegerandin ji bo xelkê Kurdistan`ê, û got:Niha qonaxek nû dest pê kiriye, xelk niha xwe xwediyê vê Yekitiya nû dizane, ji ber ku YNK`ê di 3 salên borî de xwe ji nû ve birêxistin kir û bû yekitiya daxwaziya xelkê.

Qubad Talebanî ji welatiyan re got: Di van 3 salan de, Serok Bafil dikarî rêzên YNK`ê ji nû ve birêxistin bike; û beşek mezin ji beşên cûr bi cûr yên civakê bi YNK`ê re li hev bike û derî di rûyê her sextekariyê di hilbijartinan de daxist; ji ber vê yekê îro xelk ji her demê bêhtir hêvîya wan bi guhertina di awayê rêveberiyê de heye.

Berbirsê Mekteba Sekreteriya Serok Mam Celal, piştî amaje ku bi rewşa partiyên din û daxwaza civakê ya ji bo guhertina di rêveberiyê  de kir, got: Niha yekane aliyek ku hem xwestek û hem jî vîna wî ya guhertinê hebe, û hem jî amûr, hêz û şiyana ya pêwîst hebe Yekîtiya Nîştimanî ya Kurdistan`ê (YNK) ye;her wiha got: Wek çawa di 2 salên borî de di çendîn wêstgehan de Serok Bafel û YNK`ê  dikarîn PDK`ê rawestînin, di vê hilbijartinê de jî emê careke din PDK`ê rawestînin û dawiyê li rêveberiya xwesepandî bînin.

PUMKEDIA