Berdevkê lîsta 129: Yekîtî bi fermî hejmara min red dike

PUKMEDIA

Berdevkê lîsta 129 Kerwan Geznayî

Berdevkê Lîsteya 129 ya hilbijartinên Parlamentoya Kurdistanê Kerwan Geznayî tekez kir ku, kampîna hilbijartinên Yekîtiya Niştimanî ya Kurdistanê bi başî û medenî birêve diçe û di asta peyama me ya ji bo hilbijartinên Parlamentoya Kurdistanê de ye.

Kerwan Geznayî di kongirekî rojnamevanî de ku PUKMEDIA lê amade bû got: Yekîtiya Niştimanî bi boneya axaftina Serok Bafil Celal Talebanî li navçeya Koyê, red dike ku karmendan di pirojeya hejmara min de tomar bike û di beranberê de jî tekez dike ku herêmîkirina( tewtînkirin) mûçeyên karmendan di bankên federal de çareseriye ji bo çareserkirina kêşeya dabînkirina mûçeyên karmendan li herêmê, bane ku karmendan neçar bikin ku di pirojeya hejmara min de tomar bikin ji ber ku tenê di berjewendiya çend bankên taybet de ye.

Kerwan Geznayî eşkere kir: Em di wê baweriyê de ne ku bi cîbicîkirina mûçeyên karmendan di bankên federal de li gor biryara Dadgeha Bilind a Federalî çareseriye û me ferman daye tîma xwe di hikûmeta federal û civata nûneran de ku hemû tedbîrên pêwîst bigirin ji bo handana bankên federal ji bo vekirina beşên xwe li parêzgeha Silêmaniyê ji bo tewtînkirina mûçeyên karmendan, û em bang li hemû aliyên siyasî yên din dikin ku projeya hejmara min red bikin û alîkariya me bikin ku ev biryar ji bo berjewendiya welatiyan were cîbicîkirin.

Di derbarê pirsa gaza xwezayî de Serok Bafil Celal Talebanî tekez li ser wê yekê kir ku, petrol û gaz çavkaniyên xwezayî ne ku pêwîste di xizmeta welatiyan de bin, lê siyaseta heyî hemwelatiyan ji sûdwergirtina wan çavkaniyan bêpar kiriye. Em rê nadin ku gaza sirûştî wek petrolê lê bê û tenê di berjewendiyên hin kesan de be, divê bikeve xizmeta welatiyan.

Berdevkê Lîsteya 129 amaje bi wê yekê kir ku sibe Sêşemê çaremîn karnavala lîsteya 129 li rêveberiya Germiyan birêve diçe û Serok Bafil Celal Talebanî dê gotarekê ji welatiyan re pêşkêş bike û YNK ji bo rastkirina rêbaza hikûmetê dixebite û wê dawî li desthilatdariya xwesepên û zîhniyeta hizbî bîne.

PUKMEDIA