Qubad Talebanî: Gund li pişta YNKê ne ji bo guhertina hikûmetê

Ragihandina Qubad Talebanî

Qubad Talebanî

 Di dirêjayiya serdanên xwe bo gundan de Qubad Talaban berpirsê mekteba Sekreteriya Serok Mam Celal serdana navçeya Bangird û gundê Şarstênî kir û civîneke cemewerî li dar xist.

Di her du hevdîtinan de, Qubad Talebanî behsa cudahiya vê hilbijartinê û cudahiya YNKê ya niha û çend salên borî kir û ragihand ku YNK gîştiye wê baweriyê ku desthilatdariyê bi awayê niha nabe berdewam be û divê guhertinên bingehîn bên kirin daku bê cudahî xizmeta hemû bajar û deveran bike û bi vegerandina hêvî û baweriya xelkê, destkeftên dîrokî yên gelê me biparêze.

Got jî: berê YNKê ji ber fireksiyon û çend alîyan nikarîbû xwedî siyaseteke zelal be û di wê astê de lawaz bû, ku alavên pêwîst bo guhertin û xizmetkirina gelê Kurdistanê tinebûn. lê di van sê salên borî de, YNK bi serokatiya Bafil Celal Talebanî, berdewam mijolî xwerêxistinkirin ûxwebihêzkirin bû, niha jî bûye hêzeke xwedî biryar û yek araste û li ser asta Herêma Kurdistan û Êraqê jî hesabeke taybet jêre tê kirn.
Talebanî got, YNK dixwaze di vê hilbijartinê de serkeftineke mezin tomar bike da ku rêya desthilatdariyê serrast bike û xwerêveberiyê xwesepên bi dawî bike, herweha hikûmet û hemû saziyên desthilatdariyê bixe xizmeta gel.

Got jî, wek çawa di serdema şoreşê de gund li pişta YNKê bûn, YNK jî vegeriyaye ser heman rêyê û li hêviya wê yekê ye ku xwe bispêre deng û îradeya gundiyan û beşên din ên civakê. Ber bi guherîna mezin a ku gelê Kurd bi salan li benda wê ye û daxwaza wê dike, bimeşin.


PUKMEDIA