Şêx Cafer: Divê mamoste rola xwe di guhertina herêmê de bilîzin

PUKMEDIA

Şêx Cafer û gelek mamosteyên Silêmaniyê

Berpirsê Encumena Parastina Berjewendiyên Bilind ên Yekîtiya Niştimanî ya Kurdistanê (YNK) Şêx Cefer Şêx Mistefa dibêje:“Serkirdayetiya YNK’ê hewl da ku di navbera partiyên sereke de ji bo parastina keramet û navûdengê herêmê, bi kêmanî li navçeyên Kurdistanî yên derveyî îdareya Herêma Kurdistanê, hevpeymaniyê pêk bîne, lê aliyê din ev hemû destpêşxerî red kirin. Divê her kes ji bo bidestxistina lîsteya 129 ya YNKê û namzedên wê yên dilsoz bixebite da ku pêkhateya herêmê biparêze û rewşa nebaş a welat ber bi başiyê ve biguhere."

Şêx Cefer Şêx Mistefa di civîneke rêkxistinî de li gel hejmareke zêde ji mamostayên bajarê Silêmaniyê ku Dr.Mîran Serokê lîsta YNKê li parêzgeha Silêmaniyê, Daban Şadala, Cûtyar Nûrî û mamoste  Cewamer amade bûn, rola mamosteyan di civaka Kurdistanê de û pêşxistina sektora perwerdeyê û perwerdekirina nifşekî hêja ji bo pêşerojê bilind nirxand û got: “YNK rêzê li erk û xebata mamostayan digre û wan serkirdeyên civakê dihesibîne û ji bo piştgirîkirina  mamostayan çi ji destê wê tê dudilî nabe.’’

Serokê Encumena Bilind a Parastina Berjewendiyên YNKê ragihand: "Rola mamostayan di guhertinên siyasî de, ku ji ber pêgeha wan a girîng bandoreke mezin heye, lewma divê di guhertinên mezin ên ku di awayê rêvebirina herêmê de têne pêşbînîkirin,  rolek girîng bilîzin."

PUKMEDIA