Parlemenê vegerandina milkan ji xwediyên wê re ji rojeva xwe derxist

PUKMEDIA

Civata nûnerên Îraqê

Parlamentoya Iraqê ew xala ku têkildarî betalkirina biryarên Encumena Serkirdayetiya Bilind Baîsê a ji bo vegerandina zevî û milkên xwediyên wan ji rojeva civîna sibe derxist. Biryarderê Fraksiyona YNKê li li Iraqê  ragehand :’’Parlamentoya Iraqê ew xal ji rojeva civîna sibe derxistiye, ku girêdayî betalkirina biryarên Encûmena Serkirdayetiya Bilind a Baîsê ji bo vegerandina zevî û milkan bo  xwediyên wan .

“Şîe û Sunne dixwazin di heman rojê de li ser guhertinên qanûna efûya giştî, yasaya kesayetî û yasaya vegerandina milkan deng bidin.’’

Parlamenterê Fraksiyona YNKê li Parlamentoya Iraqê Karwan Yarweys ji PUKMEDIA re ragihand:’’Serokê Parlamentoya Iraqê rojeva civîna roja sêşemê ya ku berî niha hatibû weşandin, paşve kişand û rojeva din jî belav kir û tê de dengdana li ser proje yasaya vegerandina milkan ji xwediyên wan re hat rakirin, ku berî niha bi biryara Meclisa Serkirdayetiyê hatibû belavkirin.’’

Karwan Yarways dibêje: “Hefteya borî serokên fraksiyonên şîe soz dabûn fraksyonên Kurdistanî ku wê mijarê du rojan paşde bixin û têxin rojeva civîna bê ya parlamentoyê ji bo razîkirina Sunneyan bi soza xwe re.’’

"Şîe û Sune dixwazin di heman rojê de li ser guhertinên yasaya efûya giştî, yasaya kesayetî û proje yasaya vegerandina milkan deng bidin, daku Sunnî, Şîe û Kurd li ser dengdanê bi hevre  bin, lê her carê bi hincetan paşde dixin û  rê nade ku her sê mijar bi hev re werin parlamentoyê."

PUKMEDIA