Encûmena Nûneran deng li ser proje yasaya vegerandina milkan bo xwediyên wan dide

PUKMEDIA

Nûnerê fireksiyona YNK Xerîb Ehmed

Biryare sibe Sêşemê 1/10/2024 encûmena nûnerên Êraqê di rûniştina xwe de deng li ser proje yasaya “Vegerandina xaniyan bo xwediyên wan li gor hin biryarên Encûmena Serkirdayetiya Şoreşê ya hilweşiyayî” bide.

Di vê derbarê de, endamê fireksiyona Yekîtiya Niştimanî ya Kurdistanê li civata nûneran Xerîb Ehmed ji malpera fermî PUKMEDIA re ragehand: Biryare sibe civata nûneran civîna xwe li dar bixe û bernameya kar jî ji 6 bendan were kirin, ku xala yekem dengdana li ser yasaya vegerandina milk û xaniyan ji xwediyên wê re ye, ku ev yek di bin hin biryarên Encûmena Serkirdayetiya şoreşê ya hilweşayî de ye.

Xerîb Ehmed got jî: Biryar bû roja 17ê vê mehê civata nûneran deng li ser proje yasaya navborî bida, lê ev xal ji bernameya kar hat derxistin û ji ber wê jî, Yekîtiya Niştimanîê ya Kurdistanê rûniştin baykot kir.
Nûnerê fireksiyona Yekîtiya Niştîmanî diyar kir: “Li gorî projeya qanûnê, 8 biryarên Encûmena Serkirdayetiya Şoreşê ya hilweşiyayî ku di navbera salên 1975 û 1979’an de hatibûn derxistin, bi armanca destdanîna li ser zeviyên cotkaran di nav sînorên parêzgeha Kerkûkê û navçeyên din ên navçeyên nekok dê bên betalkirin, û piraniya wan milkan yên welatiyên Kurd û Tirkmen in.

Yekîtiya Niştimanî ya Kurdistanê di heyama vê dawIyê de hewlên bêrawestan dabû ji bo derxistina proje yasaya vegerandina milkan bo xwediyên wan bi taybetî li parêzgeha Kerkûkê û navçeyên nekok.

Navê pêşnûmeya qanûnê (qanûna vegerandina milkan ji xwediyên wan re ku bi hin biryarên encûmena serkirdeyetiya şoreşa hilweşiyayî ve girêdayî ye) ku ji aliyê Komîteya Yasayî ve hatiye pêşkêşkirin, ji ber derxistina gelek biryarên Encûmena Serkirdayetiya Şoreşê ya hilweşiyayî ji bo desteserkirina erdên girêdayî hemwelatiyan û ji bo vegerandina mafan ji xwediyên wan re û rakirina bandorên ku ji wan derdikevin.

PUKMEDIA