Rizgar Hecî Heme: Çarenivîsa navçeyên nakok bi serjimêriya nifûsê ve girêdayî ye

PUKMEDIA

kerkûk

Berpirsê Ofîsa Hilbijartinan a Yekîtiya Niştimanî ya Kurdistanê Rizgar Hecî Hema tekez kir ku çarenivîsa navçeyên nekok bi serjimêriya giştî ve girêdayî ye.

Rizgar Hecî Hema di kongirekî rojnamevanî de ku PUKMEDIA lê amade bû got: Yekîtiya Niştimanî ya Kurdistanê kar li ser bihêztirkirina hewlên xwe ji bo handana welatiyan bo vegerê bo navçeyên nekok di dema serjimêriya giştî de.

Berpirsê ofîsa hilbijartinan diyar kir: Em bang li welatiyan dikin ku di dema serjimêrî de vegerin û navên xwe tomar bikin ji ber ku çarenivîsa hemû navçeyên nekok bi vê serjimêriyê ve girêdayî ye, ku dê bandoreke mezin li ser jiyana welatiyan bike.

Got jî: Yekîtiya Niştimanî ya Kurdistanê kar li ser hemahengiya hewlên li Kerkûk, Xaneqîn û navçeyên mayî yên kêşebar dike ji bo vegerandina welatiyên resen bo deverên xwe di heyama mayî de.
Berpirsê ofîsa hilbijartinan wiha berdewam kir: Em bang li aliyên siyasî dikin ku hevkariyê bikin da ku serjimêrî biserkeve û hevwelatiyên me ji tomarkirinê bêpar nemînin, tevî ku cudahiyên me hebin jî, lê divê em hevkarî û hevahengiyê bikin bo berjewendiya navçeyên nakok. û ev erkeke niştimanî ye ku divê bi mijarên din ve neyê girêdan.
Got jî: Yekîtiya Niştimanî ya Kurdistanê ji bo parastina navçeyên nekok, qurbaniyên mezin dane û dê ji bo lihevkirina wan navçeyan jî bixebite.

PUKMEDIA