Şêx Cafer: YNK ji bo sererastkirina rêbaza desthilatdariyê, hevpeymaniyê girîng dibîne

PUKMEDIA

Civînên YNKê li Silêmanî

Serokê Encumena Parastina Berjewendiyên Bilind ên Yekîtiya Niştimanî ya Kurdistanê (YNK) dibêje:“Daxwaza YNK’ê ji aliyên siyasî re ew e ku piştî hilbijartinan jî hevpeymaniyeke bihêz pêk bînin û hewl bidin şaşî û kêmasiyên rêveberiya xwe rast bikin û bi  gel re  li hev bikin û daxwazên wan bi cih bînin.’’

Serokê Encumena Parastina Berjewendiyên Bilind ên Yekîtiya Niştimanî ya Kurdistanê (YNK) Şêx Cefer Şêx Mistefa di civînekê de bi hejmareke zêde ji kesayetên civakî, xizmên şehîdan, têkoşer û kesayetên ji çînên cuda yên herêma Karadagê re ragihand: “Qeredagiyan serbilindiyeke mezin di dîroka siyasî û têkoşîna gelê me de tomar kirine, ji ber ku herêma wan hertim navenda şoreş û serhildanên Kurdistanê bûye û kêm gund li herêmê bê şehîd hene.’'

Serok Mam Celal girîngiyeke taybet dida Karadag û her tim xema gelê xwe bû û bi rêya saziyên hikûmetê vekirina zanîngehekê li Karadagê wek nimûneya xema Serok Mam Celal bo niştecihên herêmê bi nav kir. ‘’Şêx Cafer got.

Serokê encûmenê got jî: “Dema ku tifaqek di navbera aliyên siyasî de hebû, herî zêde berjewendiyên gelê Kurd dihate xizmetkirin, berovajî vê di dema şer û pevçûnan de wendahiyên mezin gihandine gel û destkeftî diketine metirsiyê. “Ji ber wê jî weke her car bangewaziya YNKê ji aliyên siyasî re ew e ku piştî hilbijartinan jî hevpeymaniyeke bihêz pêk bînin û hewl bidin xeletî û kêmasiyên rêveberiya xwe rast bikin û bi gel re  li hev bikin û daxwazên wan bi cih bînin.’’

Di civîna ku li salona civînên meclîsê pêk hat de, rêheval Mistefa Çavreş, Dr. Mîran, berpirsê Malbenda  Rêxistina Silêmaniyê Ziyadê Şehîd Cebar, Rêheval Cewamer, Cûtyar Nûrî û Mamoste Celal amade bûn.

PUKMEDIA