Serokê YNK û Serokkomarê Îranê li Dabaşanê dicivin

PUKMEDIA

Serokê YNK û Serokkomarê Îranê

Serokomarê Îranê Mesûd Pazişkyan dê roja pêncşemê li regayê firokexaneya Silêmanî serdana  Silêmaniyê bike û  bi Serokê Yekîtiya Niştimanî ya Kurdistanê (YNK) Bafil Celal Talebanî re bicive.

Serkonsulê Îranê Mihemed Mehmûdiyan li Silêmaniyê di civîneke çapemeniyê de got:"Ev serdan dê yekem seredana derve ya Serokê Îranê Mesûd Pazişkiyan be piştî hilbijartina wî wek serokomar, li ser bingeha siyaseta Îranê ya berfirehkirina peywendiyên digel welat û cîranên din."

Di navbera Iraq û Îranê de peymana lihevkirinê hat îmzekirin

Wî got: "Ji ber giringiya Iraqê, şanda Îranê dê di serdana xwe ya Iraqê de pilan û bernameyên berfireh hebin û di warê siyasî, aborî, çandî, ewlekarî, zanistî û jîngehê de di navbera her du welatan de peymanên têgihîştinê bên îmzekirin." 

Konsulê Giştî yê Îranê li Silêmaniyê got: "Ji bilî hevdîtinên berfireh ên li Bexdayê, Serokomarê Îranê Mesûd Pzişkiyan dê serdana Herêma Kurdistanê jî bike û bi rayedarên payebilind ên Hewlêr û Silêmaniyê re bicive."

Serokomarê Îranê wê serdana gora Serokomar Mam Celal bike

Her wiha got: “Li gor planê, Serokomarê Îranê dê serdana Silêmaniyê bike, bajarê wêje û çandê û mala kesayetiya mezin Mam Celal û serdana mezara serokomarê berê Mam Celal jî bike.Wê bi Serokê YNK’ê Bafil Celal Talebanî û rayedarên YNK’ê re bicive.’’

Serdana Pzişkiyan  peyamekî  girîng e

Mehmûdiyan ji rojnamevanan re got: "Serdana Serokomarê Îranê ji bo her kesî peyamek girîng e ji ber ku têkiliyên Îran û Kurdistanê xwedî koka kûr in û em piştrast in ku car caran hilketin û daketin dê zirarê nede dostaniya me."Wekû ku Serokkomar Pzişkian ji rojnamevanan re got: "Pêwendiyên me bi Kurdistanê re baş in û emê wan baştir bikin."

Îro çarşemî 11.09.2024ê Serokê Îranê Mesûd Pazişkiyan û şandeke pê re gihîşt Bexdayê û ji aliyê Serokwezîrê Iraqê Mihemed Şîa Sûdanî û Balyozê Îranê yê li Iraqê ve hatin pêşwazîkirin.Ev yekem serdana xwe ya fermi ye  bo  derveyî welat piştî destbikarbûna  xwe.

PUKMEDIA