Mekteba Siyasî: Peyama Şehîd Azad Hewramî berdewame

PUKMEDIA

Logoya Yekîtiya Niştimanî ya Kurdistanê

Mekteba Siyasî ya Yekîtiya Niştimanî ya Kurdistanê (YNK) bi boneya 36emîn salvegera şehîdkirina Azad Hewramî peyamek belav kir û ragihand: “Em îro salvegera din a bi xemgînî ya koça dawî ya serkirdeyê YNKê û kurê gelê me birêz Azad Hewramî bi bîr tînin.Di peyamê de wiha tê gotin:Nav û bîranînên şehîd Azad Hewramî dê her tim di mejiyê şervanên YNKê de zindî bimîne û peyama wî dê berdewam be.
Nivîsa peyamê
Peyam ji Mekteba Siyasî YNKê

Di 36. salvegera şehadeta Azad Hewramî de

Berî 36 salan Yekîtiya Niştimanî ya Kurdistanê (YNK) semboleke din ya têkoşîn û kurdayetiyê kir qurbaniya Kurdistanê. Salvegera şehîdbûna birêz Azad Hewramî serkirdeyê YNKê û kurê gelê me ye ku di 31ê Tebaxa 1988an de piştî çend rojan têkoşîn li quntara çiyayê Qendîlê şehîd bû.

Birêz Azad Hewramî di malbateke kedkar de li Kerkûkê ji dayik bûye. Ji ber vê yekê, asoya ramana wî ji xortaniya xwe ve di nava çînayetî û bindestiya neteweyî de pêşketiye û di destpêka salên 1970-an de tevlî çalakiyên siyasî û Kurdistanî bûye.

Bi damezrandina Yekîtiya Niştimanî ya Kurdistanê (YNK) û destpêkirina şoreşa nû, birêz Azad wek xebatkarekî siyasî yê çekdar derket çiyê û wek aştîxwazekî di nav şer de dihat naskirin, ji ber taybetmendiyên xwe, bi lez û bez bi çendîn erkên Pêşmerge, siyasî û kulturî hat erkdarkirin û di nav hêzên Pêşmerge û li gundên navçeyên rizgarkirî de, xwediyê kesayetiyeke delal bû.Ji bilî taybetmendiyên rêberekî şoreşger, birêz Azad di heman demê de hevalekî pispor ê edebiyatê û muzîkjenekî jêhatî bû ku di nav nivîskar û hunermendan de xwedî cihekî taybet bû.

Ev serkirdeyê mêrxas yê Kurdayetî ,şoreşê û serkirdeyê mêrxas yê hemû qonaxên şehîdan, bi şehîdbûna xwe valahiyek mezin di nav YNK û şoreşê de hişt, lê nav û bîranînên wî dê hertim di mejiyê têkoşerên YNKê de zindî bimînin û peyama wî berdewam be.

Selam li ser ruhê şehîd Azad ,hemû şehîdên têkoşîna rizgarî û serfiraziya Kurdayetiyê û YNKê.
Mekteba Siyasî Yekîtiya Niştimanî ya Kurdistanê

31-8-2024

PUKMEDIA