Mekteb û organên YNK`ê merasîmên şîna neteweyî li dardixin

Kurdistan 12:19 PM - 2024-08-31

Letîf Nerweyî Berpirsê Burdpê Ragihandinê

Di bîreweriya xiyaneta 31`ê Tebax`ê de li tevaya mektebû organ û melbend û komîteyên Yekîtî ya Nîştimanî ya Kurdistan`ê (YNK) merasîmên şîna neteweyî li dardixin.

Îro danê sibê roja Şemiyê rêkefta 31-08-2024 an li jêr navê (Kurdistan ji bo şehîdên xiyaneta 31`ê Tebax`ê şînê girê dide ) li tevaya mekteb û organ û melbend û komîteyên Yekîtî ya Nîştimanî ya Kurdistan`ê (YNK) merasîmên şîna neteweyî hat ragihandin; û dest li ser sing ji bo giyanê pak yê şehîdên 31`ê Tebax`l û tevaya şehîdên riya rizgariya Kurdistan`ê hat danan.

Letîf Nêrweyî ji bo xelkê Hewlêr`ê : Bi dengên we emê xiyaneta 31`ê Tebax`ê derman bikin

Di wê çarçoveyê de li bargeha Burdê Ragihanidina Yekîtî ya Nîştimanî ya Kurdistan`ê (YNK) de merasîmek hat sazkirin û têde Letîf Nêrweyî, Berpirsê Burda Ragihandina YNK`ê ragihand ku, xiyaneta 31`ê Tebax`ê tenê li dijî Yekîtî ya Nîştimanî ya Kurdistan`ê (YNK) nebû, belku li dijî vîna gelê Kurdistan`ê bû, jiber ku yekem hêriş bo ser Parlemana Kurdistan`ê hat kirin û ala Kurdistan`ê anîn xwarê ku rûmeta netew û nîştiman bû, hevdem hêrişî hêz û aliyên din yên siyasî yên Kurdistan`ê hat kirin, lewra em daxwaz ji xelkê Hewlêr û Herêma Kurdistan`ê dikin ku bi dengên xwe di piroseya hilbijartinê de dawiyê li qorxkarî  û takrewî û xwesepandinê bînin û xiyaneta 31`ê Tebax`ê derman bikin

Li Hewlêr`ê jî Şîn hat girêdan

 

Hevdem di salroija 28 ehemîn ya xiyaneta 31`ê Tebax`ê de li bajarê Hewlêr`ê li hemberî Mekteba Siyasî ya Yekîtî ya Nîştimanî ya Kurdistan`ê (YNK`ê) bi amadebûna Şalaw Kosret Resûl, endamê mekteba siyasî yê YNK`ê û Se`idî Pîre, Peyvdarê YNK`ê û hejmarek kadir û hevalên YNK`ê merasîma Şînê bi rêveçû.

Li Duhok`ê jî merasîm birêveçû

Bi amadebûna Aras Mihemed Axa,endamê civata serkirdayetî û berpirsê melbenda 7 yê Neynewa û Cemal Yusif berpirsê melbenda 4 yê Duhok`ê û hejmarek zaf kadir li baregeha melbenda 4 ya Duhok`ê merasîma şîn ya taybet bi şehîdên xiyaneta 31`ê Tebax`ê birêveçû.

Stran Ebdula: PDK`ê wane ji bo xwe dernexistine

Her di wê çarçoveyê de îro danê sibê li baregeha mekteba siyasî li Qelaçuwalan, bi amdebûna Stran Ebdula, berpirsê Sekertariyeta Mekteba Siyasî û hevalên kadir û têkoşerên îdare û beşên mekteba siyasî li jêr navnîşanê (Kurdistan şînê ji bo şehîdên xiyaneta 31`ê Tebax`ê girê dide )  merasîmek şînê hat sazkirin.


Di merasîmê de amadevan çend kêliyek bi bê dengî û dest li ser dil westan, wek rêz ji bo şehîdên wê xiyanetê, piştre Stran Ebdula di gotarekê de behsa dîrok û karvedanên wê xiyanetê kir ku ji aliyê Partiya Demokrata Kurdistan`ê (PDK) ve hatibû encamdan, amaje bi wê yekê kir ku piştî wê xiyanetê YNK`ê  ji bo aştî û parastina pêkhateyên herêmê û yekrêziya gelê me rêkeftina stratîjî Peymanên stratejîk û pêvajoyeke aştiyê çêkir, lê PDK`ê li ser heman rêbaza xiyaneta 31`ê Tebax`ê berdewam e ku hîna wane ji bo xwe dernexistine.

PUKMEDIA