Li zanîngeh û peymangehan dê kampîn û daxwazkirina kertên dengdanê bên qedexekirin

PUKMEDIA

Avahiya wezareta xwendina bilind û lêkolîna zanistî

Bo hilbijartinên Parlamentoya Kurdistanê ku biryare di 20ê Cotmehê de birêve biçe kampînên hilbijartinê li zanîngeh û peymangehên hikûmeetê hatine qedexe kirin, herweha wezareta xwendina bilind bi amaje bi wê yekê jî kir ku: Nabe ti partiyên girêdayî wezareta me kertên dengdanê ji mamoste, karmend û xwendekaran bixwazin.

Binpêker wê bên cezakirin
Li gor nameya wezareta xwendina bilind lêkolîna zanistî ku îmzeya D. Tawana Necef Mihemed Xan, Rêveberê Giştî gotiye: Ji bo pabendbûna bi prensîbên destûrî û yasayî û mafên mirovan, ti zanîngeh û dezgehên din ên ser bi wezareta me ve, bi ti armancê jêre destûr nayê dayîn ku kartên dengdanê ji mamoste, karmend, xwendekar û xwendekarên zanîngehê bixwazin.

Wezareta Xwendina Bilind di nameyekê de wiha got: Her wiha dê binpêker rastî cezayên yasayî bên.

Di hilbijartinên Parlementoya Kurdistanê de 139 lîste beşdar in, ji wan du hevpeymanî, 13 partî û 124 namzedên takekesî ji wan 85 namzedên giştî û 39 namzedên pêkhateyan, ji wan: 19 namzedên mesîhî bi vî awayî hatine dabeşkirin: Hewlêr 7, Silêmanî 4, û Duhok 8 namzed, 20 namzedên tirkmen jî bi vî awayî hatine belavkirin: Hewlêr 14, Silêmanî 6 namzed.
Di 26ê Hezîrana 2024ê de, Serokatiya Herêma Kurdistanê biryara pêncem derxist û tê de roja nû ji bo lidarxistina hilbijartinên Parlamentoya Kurdistanê diyar kir, piştî ku berî niha 4 biryarên bi vî rengî dabûn, lê hilbijartin hatibûn paşxistin .


PUKMEDIA