Qubad Talebanî: Li Herêma Kurdistanê hilbijartinên dadmend û zelal wê bên lidarxistin

PUKMEDIA

Qubad Talebanî

Qubad Talebanî Cîgirê Serokwezîrê Herêma Kurdistanê li Hewlêrê pêşwaziya Maurizio Griganti Balyozê Îtalya li Iraqê kir.

Li hevdîtinê de ku, Michele Camerota Konsulê Giştî yê Îtalya li Herêma Kurdistanê tê de amade bû, her du alî li ser pêwîstiya xebateke hevbeş ji bo pêşxistina peywendiyên di navbera Îtalya û Herêma Kurdistanê di warên cuda de hemfikir bûn.

Li beşekî dinê vê hevdîtinê de her du alî behsa hilbijartinên dahatî yên Parlementoya Kurdistanê kirin û tekez li ser pêwîstiya lidarxistina hilbijartinên dadmend û zelal kirin ku encamên wê vîna girseya gelê Kurdistanê nîşan dide.

Herwiha Cîgirê Serokwezîr ligel Balyozê Îtalya behsa têkeliyên navbera Herêma Kurdistanê û Hikûmeta Federal kir û di vê derbarê de nêrîna xwe ya derbarê çawaniya çareser kirina kêşeyên heyî ji Balyozê Îtalya re şîrove kir.

Di dawiya hevdîtinê de Qubad Talebanî bi boneya bidawîhatina erkê xwe li Êraqê xatir ji balyozê Îtalya xwest û hêviya serkeftinê di erkê xwe de xwest.

PUKMEDIA