PUKMEDIA, karnameya civîna Civata Parêzgeha Kerkûk`ê aşkere dike

PUKMEDIA

Avahiya Civata Parêzgeha Kerkûk`ê

Civata Parêzgeha Kerkûk`ê; îro ji bo gotûbêjkirina 3 pirsan dicive, û li gora zanyariyên PUKMEDIA civîn dê daxwaz ji Turkmen bike ku ji bo ew postên ji bo wan di hikûmeta xweceyî de hatine diyarîkirin; navên berbijêrên xwe arasteya civatê bikin.

Endamekî Civata Parêzgeha Kerkûk`ê ku nexwestiye navê wî bê aşkere kirin; ji bo PUKMEDIA got: Di civîna îro ya Civata Parêzgeha Kerkûk`ê de dê deng li ser pêkanînan komîteyekê bide; ji bo rastkirina peyrewa navxwe ya civatê, hevdem civat dê gotûbêjan derbarê ew 7 hezar pileyên wezîriyê bike ku wek girêbest li parêzgehê hene, digel wê yekê jî civat di civîna xwe de dê daxwaz ji Turkmen bike ji bo ew postên ji bo wan di hikûmeta xweceyî de hatine diyarîkirin; navên berbijêrên xwe arasteya civatê bikin.

Ev yek di demekê de ye ku, Xalid Mefrecî Peyvdarê Hevpeymana Siyade ragihand ku ew beşdarî civîna îro ya Civata Parêzgeha Kerkûk`ê nabin, ji ber ku pêwîst bû postê parêzgarê Kerkûk`ê bi kesekî Ereb bihata dayîn, ne kesekî Kurd.

Hevdem li gor zanyariyên PUKMEDIA, her yek ji Partî Demokrat`ê Kurdistan`ê (PDK`ê) û Bereya Turkmen û Hevpeymana Siyade beşdarî civîna Civata Parêzgeha Kerkûk`ê nabin.

Civîna dema bûrî ya Civata Parêzgeha Kerkûk`ê li bajarl Bexdayê bi rêve çûbû, ku têde Rêbwar Taha; wek Serokê (Hevpeymana Hêz û Vîna Me Ye) ji pişkê Kurd bi parêzgarê Kerkûk`ê hatibû hilbijartin, her weha Mihemed Hafiz ji pişkê Ereb jî; bi Serokê Civata Parêzgeha Kerkûk`ê hatibû hilbijartin.

PUKEMDIA