Dadgeha Federalî 2 giliyên derbarê Kerkûk`ê red kir

PUKMEDIA

Kerkûk

Dadgeha Federalî ya Iraqê 2 giliyên Hesen Tûran û endamê civata parêzgeha Kerkûk`ê û her wiha Rakan Cibûrî ku endamê herî temendirêj yê civatê ye, li ser derxistina biryarnameya komarî ya serok komarê Êraq`ê ve ji bo parêzgarê nû yê Kerkûk û 9 endamên civata wê parêzgehê red kir.

Di bersiva giliya Hesen Tûran serokê Bereya Turkmen û Sewsen Rbdulwahîd Şakir , endamê civata parêzgeha Kerkûk`ê de ku li ser serok komarê Êraq`ê, ji ber derkirina biryarnameya komarî ya ji bo parêzgarê nû yê Kerkûk`ê û ew 9 endamên civata parêzgeha Kerkûk`ê tomar kiribûn, bi egera hilbijartina parêzgar û serokê civata parêzgeha Kerkûk`ê daku wê biryarnameyê pûç bikin.

Dadgeha Federalî ya Êraq`ê di bersiva dozê de nivîsiye: Piştî hûrbîniya li ser daxwaza derkirina fermana salarî ji aliyî dadgehê ve, derket ku ew doz çi sîfetek wê ya bi lezkirinê têde nîne û çi haletek jî di rojevê de nîne ku pêwîstî bi biryareke bi vî awayî hebe, lewra em wê dozê red dikin.

Dadgehê di daxuyaniya xwe de got: Eger dadgeh biryareke weha bide, ev tê wê wateyê ku me berê destwerdana dozê kiriye û berê jî me nêrîna xwe ya destpêkê gotiye.

Êvareya roja 10.08.2024 an li otêla Reşîd ya Bexdayê bi beşdariya her yek ji firaksiyona (Kerkûk Hêz û Vîna Me Ye) ya  (Yekîtiya Niştimanî û Partiya Komunîst), Hevpeymaniya Serkirdatiyê, Firaksiyona Urûbe û Firaksiyona Babiliyon ; her yek ji Rêbwar Taha wek pişkê Kurd ji parêzgarê Kerkûk`ê wek parêzgar û Mihemed Hafiz ji pêkhateya Fraksiyonên Kerkûk`ê wek serokê Civata Parêzgeha Kerkûk`ê hatin hilbijartin; ku ew pirose bi dengên 9 endamên civatê ji koma 16 endaman hat encamdan ku ew ji rûyê yasayî ve temam e ku 50+1 bû, hevdem 7 endamên din têde beşdarî ne kirin ku yek ji wan Firaksiyona Partiya Demokrat ya Kurdistanê (PDK) bû.

Jibo dîtiya biryar yekem ya Dadgeha Federalî li vir kilîk bike

Jibo dîtiya biryar Dûyem ya Dadgeha Federalî li vir kilîk bike

PUKMEDIA