Di Konferansa Kurdên Kafkasyayê de rola YNK’ê bilind nirxandin

PUKMEDIA

Beşdarbûna YNKê di yekemîn konferansa Kurdên Kafkasya li Gurcistanê

Nexşeya rê ya Yekîtiya Niştimanî ya Kurdistanê (YNK) ya ji bo piştgirî û alîkariya hemû parçeyên Kurdistanê di mijarên netewî û demokratîk de, di yekemîn konferansa Kurdên Kafkasyayê de li bajarê Tiblîsê yê Gurcistanê hat pêşkêşkirin.

Di konferansê de rola YNK’ê ya niha û berê ji bo her çar parçeyên Kurdistanê hate nirxandin.

Di yekemîn konferansa Kurdên Kafkasyayê de, siyaset û tekoşîna biaqilane ya Serok Mam Celal, rêberê rizgarîxwaza gelê Kurd, di bikaranîna têkilî û dîplomasiya xwe de ji bo bidestxistina berjewendiyên bilind ên gelê Kurd li Bakur, Rojhilat, Başûr û Rojava hate bilin nirxandin. Yekîtiya  Niştimanî ya Kurdistanê bi serokatiya Bafil Celal Talebanî ji bo hilgirtina erkên dijwar ên netewî di warê piştgirî û alîkarîkirina xuşk û birayên me yên li herçar parçeyên Kurdistanê hate destnîşankirin.

Endamê Serkirdayetiya YNKê  û Berpirsê Fermangeha Pêwendiyên Kurdistanê Salar Serhed Xelîfe ji PUKMEDIA re ragihand: "Di konferansê de 26 panel û axaftin li ser rewşa giştî ya Kurdistanê û peywendiyên kurdên Kafkasyayê û beşên din ên Kurdistanê hatin lidarxistin."

Her wiha got:“Min gotara YNKê xwend û geşbîniya xwe anî ziman ku tevî hemû astengiyên li pêşiya doza kurd, lê hê jî gavên ji bo komkirina rewşenbîr û partiyên kurd bi taybetî rewşenbîrên kurd ên li derve û kurdên Kafkasyayê berdewam in hîn zindî ne ew li ser pirsgirêkên li pêşiya pirsgirêka Kurd nîqaş dikin, ji bo ku hewl bidin çareseriyan bibînin."

Hêjayî gotinê ye ku şanda Yekîtiya Niştimanî ya Kurdistanê (YNK) bi serokatiya Salar Serhed Xelîfe Yûnis endamê serkirdayetiyê û berpirsê têkeliyên kurdistanê beşdarî yekemîn konferansa kurdên Kafkasya li Gurcistanê bû bi beşdariya 70 mêvanên ji çar aliyên Kurdistanê û 16 welatan .

PUKMEDIA