Mekteba Siyasî: Parêzgeha Kerkûkê derbasî qonaxeke nû dibe

PUKMEDIA

Kerkûk û logoya YNKê

Mekteba Siyasî ya Yekîtiya Niştimanî ya Kurdistanê bi helkefta hilbijartina parêzgarê hilbijartî pîrozbahiyê li xelkê Kerkûkê dike û ragihandi:’’Parêzgeha Kerkûkê dê bikeve qonaxeke nû û berbijarê lîsteya serkeftî (Kerkûk hêz û îradeya me ye) dê bi ruhêkî berpirsane xizmeta hemû pêkhateyên parêzgehê li ser rêya bihevre jiyanê bike.’’

Mekteba siyasî pîrozbahiyê li parêzgarê nû yê Kerkûkê kir.

 
Di vê dema girîng a dîrokî de, em bi germî pîrozbahiyê li gelê Kurd bi giştî û Kerkûkê bi taybetî dikin, ku piştî demeke dirêj li ser hilbijartinên encumenên parêzgehên Iraqê, îro girêka aloz li ser mafê Kerkûkê hate vekirin, carekî din kurdek û di nav kurdan rêheval Rêbwar Taha, berbijarê lîsteya serkeftî (Kerkûk hêz û îradeya me ye) namzêtê   Yekîtiya Nîştimanî Niştimanî ya Kurdistanê  (YNK) wek parêzgarê nû yê bajêr hat hilbijartin.

Ev destkeft bi qasî ku ji bo YNK’ê girîng e ji bo hemû pêkhateyên Kerkûkê jî girîng e.

Ji îro pê ve parêzgeha Kerkûkê dê derbasî qonaxeke nû bibe, ji ber ku rêheval Rêbwar dê bi ruhekî berpirsyarane li ser rêya jiyana hevbeş û bi sozên ku dane, bi bernameyeke dewlemend û bê cudahî xizmeta hemû civakên parêzgehê bike.

Careke din em pîrozbahiyê li xelkê Kerkûkê û parêzgarê nû yê Kerkûkê dikin

Mekteba  Siyasî
 Yekîtiya Niştimanî ya Kurdistanê

PUKMEDIA