Talebanî: Divê mamostayên olî yekîtiyê teşwîq bikin

Buroya Çapemeniyê ya Qubad Talebanî

Talebanî li gel hejmarek mamostayên olî dicive

Îro êvarî (05.08.2024) Cîgirê Serokwezîr Qubad Talebanî hejmarek mamostayên olî yên îslamî yên Hewlêr, Soran û Koyê vexwendibû mêvanxaneya Serok Mam Celal li bajarê Dukanê bo şîv xwarin û paşê bi hev re civînek kirin.

 Di hevdîtinê de Cîgirê Serokwezîr behsa rola girîng ya mamostayên olî kir ku hem di serdema şoreşê de û hem jî di qonaxa piştî serhildanê de di warê arastekirina civakê û parastina nirxên olî û netewî de.
Got jî: di dema borî de çendîn caran hikûmetê ji bo gihandina rastiyê û îradeya hikûmetê ji bo çareserkirina pirsgirêkan serî li mamostayên olî daye, piştre rewşa siyasî ya navxweyî gotûbêj kirin.Di vê derbarê de, Qubad Talebanî daxwaz ji mamostayên olî kir ku, partiyan  han bidin bo yekrêziya nav mala Kurd û parastina aramiyê û weke hertim rola xwe di lihevkirina civakî û siyasî de li Kurdistanê de bilîzin.

Her wiha  Qubad Talebanî got, hûn mamostayên olî rêberê me ne û em xizmetkarên we û gelê Kurdistanê ne.

Paşê mamostayên olî behsa pirsgirêkên  ku di kar û xebatên wan  de rû bi rû mane û çareseriya wan hatin gotûbêjkirin û Cîgirê Serokwezîr got ku dê her dem alîkariya wan bê kirin.

PUKMEDIA