Mûçeyên parlementoyên Êraqê hat kêmkirin

PUKMEDIA

Dînarên Êraqî

Endamên Encumena Nûneran mûçeyên meha Tîrmeha îsal werdigirin, piştî ku hatin kêmkirin ku salên xizmetkirin û birwename û zewacî û zarok hat hesibandin, ev yek di cîbicîkirina biryara Dadgeha Federalî de ye ji bo guhertina mûçeyên kesên xwedî astên bilind.

Biryar piraniya nûneran digre

Di vê derbarê de biryarderê Yekîtiya Niştimanî ya Kurdistanê li Parlementoya Êraqê Kerwan Yarwês ji PUKMEDIA re ragihandiye: Mûçeya endamên civata nûneran hate kêmkirin û ev li ser daxwaza kêmkirina mûçeyên wan kesên pilebilind di hikûmeta Êraqê de hatiye, û di berdêla wê de jî nêrînek heye ku endamên parlamentoyê yên xwedî bawernameyên taybet nekevin nav wan kesên xwedî bawernameyên pilebilind, ji ber ku dema endamtiya parlamentoyê tenê 4 sal in.

Kerwan Yarwês her wiha got: Li gorî vê biryarê salên kar, taybetmendiyên birwename, zewac û zarokan, weke pîvana mûçeyê hatin hesabkirin, berê mûçeya endaman dihate birîn ku 8 milyon û 200 hezar dînar bû, lê li gor biryara niha mûçeyê piraniya endamên civata nûneran hat kêmkirin.

Herweha biryarderê Yekîtiya Niştîmanî diyar kir ku diviyabû kar û çalakiya nûnerê wek pîvana mûçeyê wî bihata kirin, lê li gorî biryara nû, mûçeyê her endamekî Encûmena Nûneran 4 milyon dînare û paşê terxankirinên din jê re tên hesabkirin, û bi vî awayî mûçeyên wan ne wek hev in û tenê ji bo kesên xwedî bawernameya doktorayê tê zêdekirin.

Yek ji nûneran gilî li dadgeha federal vekir

Ji aliyê xwe ve endamê Civata Nûneran ya Yekîtiya Niştimanî ya Kurdistanê Çiro Heme Şerîf ji PUKMEDIA re ragihand: Biryara Dadgeha Federalî ya serrastkirina mûçeyên wan kesên xwedî pileya bilind, piştî wê yekê hat ku li dadgehê doz hatiye vekirin.

Wê herwiha got: Ji ber vê biryarê, zêdetirî hefteyekê dabeşkirina mûçeyên endamên civata nûneran hat paşxistin û piştî kêmkirina li gor biryara nû ew mûçe wergirtin.
Di serdema hikûmeta Heyder Ebadî de ku di sala 2014an de bû serokwezîr, piştî hilbijartina sêyemîn civîna Civata Nûneran, biryar hat dayîn ku mûçeyên nûneran û hejmara pasewanan were kêmkirin ji ber  qeyrana aborî ya wê demê, lê piştî wê biryar hat betalkirin û tişt vegeriyan rewşa xwe.

PUKMEDIA