Omêd Biroşî: Cezakirina rojnamegeran bi senaryoyên cuda berdewam dike

Kurdistan 08:56 PM - 2024-07-29

Omêd Biroşkî

Îro Duşemê dadgeha Duhokê biryara 3 sal zîndan da girtîgehekî tevî ku ev 300 roj in di girtîgehê de, rojnamevakî ku li Duhokê rûniştiye dibêje: Li Duhokê bi hincetên ku ti eleqeyên xwe bi rojnamevaniyê re nînin rojnamevan tên cezakirin.

Zexta siyasî li ser rojnamevanên Badînan

Îro 29.07.2024ê, dadgeha Duhokê biryara sê sal zîndanê da rojnamevan Silêman Ehmed tevî ku ev 300 rojin girtî ye.

Rojnameger Omêd Broşkî di daxuyaniyekê de ji malpera fermî ya Yekîtiya Niştimanî ya Kurdistanê PUKMEDIA re derbarê dosya girtina rojnamevanan de got: Desthilatdariya Duhokê bi çêkirina senaryoyên curbecur rojnamevanan digre û di çarçoveya yasayî de wan ceza dike wek ku em girtin û dozên derew li me kirin û bi rêya wan em hatin darizandin û cezakirin.

Wî her wiha got rojnamegerên Badînan ji ber weşandina karên xwe yên rojnamevaniyê rastî destdirêjiyên siyasî tên ew bi sîxuriyê tên tohmetbarkirin û bi awayekî yasayî tên cezakirin. Tişta ku li ser rojnamevan Silêman Ehmed hatiye kirin heman rewş e ku rojnamevanên Badînan her tim rûbirûyê wê dibin, ji ber ku ew bi sîxuriyê û têkdana aramiyê tê tometbarkirin.

Broşkî: Me baweriya xwe bi dadgehên Hewlêr û Duhokê winda kiriye

 

Rojnamevan Omîd Broşkî ji malpera fermî ya Yekîtiya Niştimanî re diyar kir ku, êdî baweriya me bi dadgehên Hewlêr û Duhokê nemaye.

Biroşkî bang li civaka navdewletî kir ku zextê li hikûmeta herêmê bike û rê nede girtin û cezakirina rojnamevanan bi tawanên bêbingeh.

Raporên navneteweyî paşveçûna azadiya çapemeniyê li herêmê piştrast kir

Piştî ku di 25ê Cotmeha 2023an de ji Rojavayê Kurdistanê vegeriya herêmê, asayişa bendera Fiş Xabûr rojnamevan Silêman Ehmed girt û parêzerê berevaniyê jî piştrast kir ku Silêman Ehmed bi eslê xwe xelkê Efrînê yê Rojavayê Kurdistanê ye û bi awayekî yasayî derbasî Herêma Kurdistanê bûye û li wir îqameya xwe yê fermî heye.

Li gor raporta Rêxistina Peyamnêran a Mafên Rojnamevanan, di nîvê sala 2024an de herî zêde li parêzgeha Hewlêrê û Duhokê di rêza duyem de tunûtûjî li dijî rojnamevanan hatiye tomarkirin.


PUKMEDIA