Serokomarê Fransayê pêşwaziya Serokomarê Iraqê kir

Buroya Çapemeniyê ya Serokomariyê

Serokomarê Iraqê, Serokomarê Fransayê û xanima yekem

Serokomarê Iraqê Dr.Letîf Reşîd li ser vexwandina fermî ya Serokomarê Fransayê Emmanuel Macron çû Parîsê.

Îro êvarê li Parîsa paytexta Fransayê merasîma destpêka 33yemîn Olîmpiyadên Havînê tê lidarxistin. 
Di dîroka olîmpiyadê da cara ewil merasima vekirinê wê li dervayî stadyûman li qiraxa çemê Seine ku di navenda Parîsê re derbas dibe bê lidarxistin.

Li gorî organîzatoran tê payîn ku herî kêm 120 serok û serokwezîrên welatan beşdarî merasîmê bibin.
Hinek serokên navdar ên ku beşdarî merasîma vekirina Olîmpiyada Parîsê dibin ev in:
Şahê Brîtanyayê Şah Charlesê Sêyem, Sekreterê Giştî yê Neteweyên Yekbûyî Antinio Guterres, Serokwezîrê Brîtanyayê Keir Starmer, Şêwirmendê Olaf Scholz, Serokkomarê Îtalyayê Sergio Mattarella, Serokê Îsraîlê Isaac Herzog, Mîrê Qeterê Temîm Bin Mihemed, Serokwezîrê Yunanistanê Kyriakos Mitsotakis û Xanima Yekem a Amerîkayê Jill Biden.

Biryar e demjimêr 08:30ê êvarî bi dema Hewlêrê merasîm birêve biçe û heta nîvê şevê berdewam be.
Olîmpiyadên Parîsê wê heta 16ê Tebaxa 2024an dewam bikin.

Li nav Civaka Navdewletî, Fransa welatekî bi bandor e û yek ji 5 endamên herdemî yên Encûmena Asayişê ya Neteweyên Yekbûyî ye û di NATO û Yekîtiya Ewropayê û gelek rêxistinên din de, xwedî pêgeheke bihêz e.

PUKMEDIA