Şêx Cafer: Herêm dê bi hilbijartinan ji valayîya qanûnî rizgar bibe

PUKMEDIA

Cîgirê Serokê Herêma Kurdistanê û Konsulê Giştî yê Fransa

Cîgirê Serokê Herêma Kurdistanê got: "Pêwîste hilbijartinên parlamentoya Kurdistanê di dema xwe de bên lidarxistin û ev yek dê herêmê ji wan valahiyên yasayî yên ku niha hatine çêkirin rizgar bike."

Di daxuyaniyeke çapemeniyê de Ofîsa Cîgirê Serokê Herêma Kurdistana Iraqê ku wêneyek ji bo malpera fermî ya Yekîtiya Niştimanî ya Kurdistanê (PUKMEDIA) hatiye şandin hatiye ragihandin:’’ Cîgirê Serokê Hikûmeta Herêma Kurdistanê Şêx Cefer Şêx Mistefa îro pêşwazî li Konsulê Giştî yê Fransa li Herêma Kurdistanê Jan Brem kir û tekez li ser wê yekê kir ku divê hilbijartin di atmosfereke azad û demokratîk de birêve biçe.’’

Di civînê de behsa şerê dijî metirsiya DAIŞê, proseya çaksaziyê û yekxistina hêzên Pêşmerge û hilbijartinên bê yên parlamentoyê hat kirin.

Cîgirê Serokê Herêma Kurdistanê di civînê de got:"Herêm di valahiya qanûnî de ye û dê bi hilbijartinên adil di dema xwe de rizgar bibe." Her du alî li ser pirsa yekxistina hêzên Pêşmerge û şerê dijî terorîstan jî li hemfikir bûn’’

Ji aliyê xwe ve Konsulê Giştî tekezî li ser berdewamiya alîkariyên serbazî yên Fransa bo Pêşmerge kir, bi taybetî piştgiriya proseya rahênan û çaksaziya Wezareta Pêşmerge ji bo yekxistina hêzên Pêşmerge.

PUKMEDIA