Komîsyon:139 lîste beşdarî hilbijartinên Kurdistanê dibin

PUKMEDIA

Hilbijartin

Komîsyona Bilind a Serbixwe ya Hilbijartinan li Iraqê hejmara lîste û partiyên beşdar di hilbijartinên Parlamentoya Kurdistanê de ku biryar e di 20.10.2024 de birêve biçe, eşkere kir.

2 koalîsyon û 13 partiyan xwe qeyd kirine

Berdevka Komisyona Bilind a Serbixwe ya Hilbijartinan Cumana Gelay ji PUKMEDIA re ragihand: Di heyama wergirtina lîsteyên namzedên ji bo beşdariya di hilbijartinên Parlamentoya Kurdistanê de, komîsyonê 139 lîsteyên hilbijartinan tomar kirine ku ji wan du hevpeymanî, 13 partî û 124 namzedên takekesî. 

Got jî: hejmara namzedên takekesî gihişte 85 kesan û hejmara kandîdên pêkhateyan ev e: 19 namzedên mesîhî bi vî awayî hatine dabeşkirin: li Hewlêr 7, Silêmanî 4, Dihok 8 namzed.

Hejmara namzedên tirkmen 19 e û bi vî awayî hatiye dabeşkirin: Hewlêr 14, Silêmanî 5 namzed.
Cumana Gelayî diyar kir: Lîsteya jimare ji bo namzedan dê di nîvê meha tebaxa bê de were kirin û niha komîta şareza li ofîsên komîsyonê li Herêma Kurdistanê kar li ser vekolîn û kontrolkirina daneyên lîste û berbijêran dike ji bo şandina wê ji Wezareta Karên Hundir, Komîsyona Tenduristiyê û saziyên din ên ku ji bo rastkirina navên berendaman hene.

YNKê 172 berbijêr hene

Li gorî Ofîsa Ragihandinê ya Berdevkê Yekîtiya Niştimanî ya Kurdistanê (YNK) Saadî Ehmed Pîre ji PUKMEDÎA re şandiye hat ragihandin :’’Yekîtiya Niştimanî ya Kurdistanê (YNK) 172 namzedên hilbijartinên parlamentoyê eşkere kir ku li Hewlêrê Şalaw Kosret Resûl serokê lîsteyê ye, ji bo Silêmaniyê Dr. Mîran Mihemed e û ji bo Helebce jî Barzan Osman e û Elî Oremarî jî ji bo Duhokê ye. 

Di berdewamiya axaftina xwe de got: “Parçekirina herêman li ser çar deveran karekî girîng bû ji bo gera şeşem a parlamentoya Kurdistanê û ew yek jî li gor pirensîpên demokrasiyê ye û dê encamên hilbijartinan cuda bin û bi temamî rê li ber  sextekariyê bê girtin.’’

Pîra her wiha got: "Li Herêma Kurdistanê ti partî nikare bi tena serê xwe hikûmetê ava bike, çi kursî zêde bike, çi kêm bike û em li bendê ne ku YNK di vê hilbijartinê de dengên xwe zêde bike."

PUKMEDIA