Lihevkirinek di navbera Partî û Eniya Tirkmen de hat ragihandin

Kurdistan 12:14 PM - 2024-07-19

Logoyên Partî û eniya Tirkmen

Serokê Fraksiyona Eniya Tirkmenî rêkeftina navbera wan û Partiya Demokrat a Kurdistanê  eşkere kir û berdevkê Yekîtî dibêje: Tiştê ku wan kiriye tiştekî xirab e û dê bi ser nakeve.

Eniya Tirkmen û PDK li hev kirine

 

Serokê Fraksiyona Eniya Tirkmenî Erşed Salihî bi navê Serokê Eniya Tirkmenî Hesen Turan ji medyaya Partî re ragihand: Me li gel PDK'ê li hev kiriye û niha 4 kursî her du aliyan hene û ev helwesta fermî ya Eniya Tirkmenî ye. Her wiha em daxwazê ji aliyên ereb ên Kerkûkê dikin ku ji bo dabeşkirina postên îdarî bi me re li hev bikin.

Berdevkê YNKê: Tişta ku hatiye kirin tiştekî xirab e

 

Berdevkê Yekîtiya Niştimanî ya Kurdistanê Seidî Ehmed Pîre li ser ew halwêsta Partî got: Ev mezade li ser Kerkûkê û wê demê bila kes behsa Quds û dilê Kurdistanê neke, tişta ku wan kiriye tiştekî xirab e û bi ser nakeve ji ber ku YNK 6 kursî û PDK du kursî hene û me qet ne bîstiye ku 2 kursî ji 6 kursiyan zêdetir be.

Li Kerkûkê her lihevkirinek bêyî YNK’ê bê encam dibe

 

Çavdêrek ji Serkirdatiya Yekîtiya Niştimanî ya Kurdistanê derbarê helwêsta partî û eniya tirkmenî de ragihand ku her rêkeftinek li Kerkûkê bêyî beşdariya YNKê bê encam dimîne û bi ser nakeve.

Eger PDK û Eniya Tirkmenî bibin yek jî, lê dîsa jî du kursiyên me ji wan zêdetir in. çareya herî baş ji bo me ew e ku em li ser pişk û mafê hilbijartinan li ber çavan bigerin û ti pêkhateyeke Kerkûkê ji bîr nekin.


PUKMEDIA