Darayîya Êraqê mûçeyên hêzên ewlekariyê şand herêmê

PUKMEDIA

Diravê 50 hezar Dînarê Êraqî

Wezareta darayîya Êraqê zêdetirî 676 Milyar Dînar wek mûçeyên heyvên Gulan û Hizêranê yên hêzên ewlekariyê xist ser hejmara darayîya herêmê.

Wezareta darayîya hikûmeta herêma Kurdistanê di daxuyaniyekê de ku kopiyek ji wê jibo PUKMEDIA hatiye şandin, amaje bi wê yekê dike ku îro ji aliyê wezareta darayîya Êraqê ve kojmê (676,036,000,000) şeş sed û hefta û şeş Milyar û sî û şeş Milyon Dînar mûçeyên heyvên Gulan û Hizêranê yên hêzên Pêşmerge û sazî û dezgehên ewlekariya herêma Kurdistanê xist ser hejmara banka wezareta darayî û aborî ya li liqê Hewlêr ya banka navendî ya Êraqê.

Li gor daxuyaniyeke wezareta darayî , beşek ji hêzên ewlekariyê ku ji (Hêzên yekeya 70 û 80, Civata Asayîşê, Dezgeha Asayîşê,Hêzên Zêrevanî, Berevanî û Hawarçûn, Rêveberayetiya Polîsê Parstina Sazî û Dezgehên Neftî, Paswanên Wezareta Navxwe ) pêk tên, di heyama 99 rojan de tenê yek mûçe wergirtine ku bi diyarîkirî di roja 08-04-2024 an de mûçeya heyva Adarê û roja 12 Hizêrana 2024 an jî mûçeya heyva Nîsanê wergirtine.

Li gor zanyariyên PUKMEDIA ku ji wezareta derayîya herêmê ketiye destê wê, tê çaverêkirin ku darayîya herêmê dema dabeşkirina mûçeyên hêzên ewlekariyê rabigihîne ku di dû rojên bê de hêzên ewlekariyê dê wan herdû mûçeyan werbigrin.

PUKMEDIA