YNK û 6 partiyên Kurdistanî: Em bi yekrêziyê xizmetê bikin

PUKMEDIA

Şanda YNK û şeş partiyên Kurdistanî

Yekîtiya Niştimanî ya Kurdistanê û 6 aliyên siyasî yên Kurdistanê rewşa niha ya navçeyê û çendîn mijarên din ên berjewendiya hevbeş gotûbêj kirin.

Di hevdîtinê de ku li avahiya Ofîsa Hilbijartinan a Yekîtiya Niştimanî pêk hat, îro 15.07.2024ê, berpirsê ofîsa hilbijartinan û endamê Mekteba Siyasî  Rizgar Hecî Hema û endamanê Serkrdayetiyê Salar Lale Serhed û Letîf Nêrweyî pêşwaziya  serokên 6 partiyên siyasî yên Kurdistanê kirin.

Di civînê de rewşa niha ya Herêma Kurdistanê û hewlên avakirina parêzgehên Kerkûkê û Neynewayê piştî hilbijartinên encumenên parêzgehên Iraqê hate gotûbêjkirin û Rizgar Hecî Hema got: “Yekîtiya Niştimanî her dem li gel yekrêzî û lihevhatina navxwe ya Kurda ye, em di wê baweriyê de ne ku em bi hev re xizmetê ji gelê xwe re bikin û destkeftiyên herêmê biparêzin.”

Ji aliyê xwe ve serokên aliyên beşdar di civînê de tekezî li ser pêwîstiya bihêzkirin û pêşxistina peywendiyan ligel Yekîtiya Niştimanî ya Kurdistanê û parastina yekrêzî û pêkvejiyana di navbera aliyên siyasî yên Kurdistanê de kirin.

Partiyên ku beşdarî civînê bûne wiha ne:
Serokê Tevgera Çaksaziya Nîştimanî ya Kurdistanê, Serokê Partiya Niştîmanî ya Kurdistanê, Serokê Tevgera Rizgariya Demokrat a Kurdistanê, Serokê Partiya Kesk a Kurdistanê, Serokê Tevgera Aştî, Serokê Partiya Pêşverû ya Demokrat a Kurdistanê.

PUKMEDIA