Hemû koçberên li Silêmaniyê vegeriyan warên xwe

Kurdistan 12:02 PM - 2024-07-11

Wezîra Koç û koçberan Îvan Fayq

Wezareta Koç û Koçberan ragihand ku karwana dawî ya koçberên kampên parêzgeha Silêmaniyê ku ji 250 malbatan pêk tê vedigerin cih û warên xwe, bi vê yekê jî wezaretê her çar kampên li parêzgeha girtin.

Cîbicîkirina biryara encumena wezîran

 

Wezîra Koç û Koçberan Îvan Fayq Cebro di kongreyeke rojnamevanî de ku ji aliyê PUKMEDIA ve hatibû şopandin de got: Hemû kampên koçberan ên li parêzgeha Silêmaniyê hatine girtin, çend malbat li dervayî kampê hene emê bixebitin ku hemî bi dilxwazî vegerin.

Got jî: awareyên ku li parêzgehên Hewlêr û Duhokê mane jî wê ji bo wan komîteyek ji aliyê Serokatiya Encumena Wezîran ve bê avakirin ji bo gotûbêjkirina çawaniya girtina hertimî ya kampan û peydakirina asankariyan ji bo vegera awareyan bo deverên xwe.

Îvan wiha dom kir û got em spasiya hemû berpirs û hêzên ewlehiyê yên parêzgeha Silêmaniyê dikin ji bo hevkariya wan bi Wezaretê re derbarê vegerandina koçberan de, em hêvîdar in ku hevkarî di navbera hikûmeta federal û hikûmeta herêma Kurdistanê de hebe ku dosyeya awareyan bi yekcarî bê girtin.

Astengî li pêşiya me têne danîn

 

Wezîra Koç û Koçberan dibêje: Em guh nadin wan astengên ku li pêşiya me têne danîn, lê ya giring ji bo me vegera awareyan û girtina kampan e gelek koçber hene dixwazin vegerin warên xwe ji berk u naxwazin bi çarenivîsa wan ya siyasî ji aliya ti aliyekê ve were lîstin.

Wê got: Bernameyeke me ya yekgirtî heye bo vegerandina awareyan û dabînkirina jiyaneke hêja ji wan re, û îro mizgîniya girtina kampa Aştî bo awareyan li parêzgeha Silêmaniyê bi dest me de ye û hemû malbatên aware bi dilxwezî vegeriyane warên xwe.


PUKMEDIA