Barzanî: Ti belgeyek nîne ku YNK li pişt şewitandina bazaran bûye

Kurdistan 05:54 PM - 2024-07-02

Serokê Herêma Kurdistanê Nêçîrvan Barzanî

Serokê Herêma Kurdistanê ku niha bi serdaneke fermî li Awusturya ye, di civîneke çapemeniyê de ji bo medyayê ragihand:"Ti delîleke fermî nîne ku YNK weke partî li pişt şewitandina bazarên Herêma Kurdistanê bû."

Serok: YNK li pişt bûyeran nebû

Serok Nêçîrvan Barzanî li Avusturya di civîneke rojnamevaniyê de got: “Ti delîlek nîne ku YNK weke partî li pişt şewitandina bazarên Herêma Kurdistanê bûye.Dibe ku kesên berê endamên wê partiyê bûne hebin lê weke hêzeke siyasî ti belgeyek fermî nîne ku YNK li pişt van bûyeran be.’’

Berdevkê YNKê: Ti aliyek nikare destê xwe yê rûn bi YNKê paqij bike

Berdevkê Yekîtiya Niştimanî ya Kurdistanê (YNK) Saadî Ehmed Pîre duh di civîneke çapemeniyê de ragihandibû ku tohmet li ser YNKê hatine kirin û got: "Tu aliyek nikare destê xwe yê rûn bi ser me de bişo ji ber ku ti têkiliya me bi şewatan re tune bû û tiştê ku tê gotin senaryoyek xirab e."

"Em weke Yekîtiya Niştimanî ya Kurdistanê (YNK) hemû kiryarên wêranker ên ku welatiyên Herêma Kurdistanê dike armanc û ziyanê digihîne navûdengê herêma me şermezar dikin û ji bo eşkerekirina rûyê rastî yê bûyeran em amade ne her tiştî ji YNKê re bikin." wî got.

Berdevk got: “PDK ji ber ku ji hilbijartinan ditirse dixwaze bi rêya tîma hikûmetê partiyên din bike hedef û ji hilbijartinan re pirsgirêkan çêbike.’’

Parêzgarê Hewlêrê: Sedema rûdana qezayan kerebe  bû

Pêştir Parêzgarê Hewlêrê Omîd Xoşnaw sedema şewatan bi xirabbna  elektirîkê, bikaranîna makîneyên welderxistinê û hin sedemên din ên teknîkî amaje bi wê yekê kiribû, ku ev yek jî di derbarê civîna çapemeniyê ya Wezareta Navxwe de gumanên welatiyan çêdike.

PUKMEDIA