Komisyona Iraqê dê tevahiya proseya hilbijartinan birêve bibe

PUKMEDIA

Parlamentoya Kurdistanê, Komîsyona Iraqê, Hilbijartin

Piştî ku Serokatiya Herêma Kurdistanê roja nû ya hilbijartinên Parlamentoya Kurdistanê ragihand, Komisyona Bilind a Serbixwe ya Hilbijartinan piştrast kir ku dê hilbijartinên Parlamentoya Kurdistanê bi hemû hûrgiliyên xwe ve, bi rêya ofîsên xwe yên li Herêma Kurdistanê birêve bibe û dê pişta xwe bi û girêdayî tomarkirina dengderên xwe ve girêbide. 

Komîsyon roja hilbijartinê ya nû dinirxîne

Berdevka Komisyona Bilind a Serbixwe ya Hilbijartinan a Iraqê Cumana Gelayî ji malpera fermî ya Yekîtiya Niştimanî ya Kurdistanê (PUKMEDIA) re ragihand:“Piştî wergirtina biryara nû ya şeşemîn rûniştina hilbijartinên Parlamentoya Kurdistanê, encûmena komisyonan wê roja ku ji aliyê desteya serokatiyê ve hatiye diyarkirin binirxîne û piştre biryarê bide ka komîsyon dikare di wê dîrokê de hilbijartinan bike yan na.’’

Hilbijartinên gera şeşem a parlamentoya Iraqê dê ji aliyê Komîsyona Bilind a Serbixwe ya Hilbijartinan a Iraqê (ÎHEC) ve were lidarxistin û dê rêkar li gorî yasaya hilbijartinên Herêma Kurdistanê ku amadekariyên hilbijartinan, proseya dengdanê, cudakirin, hejmartina dengan û ragihandina dengan di nav xwe de dihewîne, cîbicî bike." got.

Wêgot: "Komîsyon dê pişta xwe bi tomara pejirandî ya hemû dengderên Iraqî, parêzgehên Herêma Kurdistanê jî di nav de, girêbide eger her aliyek piştî hilbijartinan îtiraza xwe hebe, dikare îtîrazê pêşkêşî desteya dadwerî ya komîsyonê bike."

Roja 20ê Cotmeha 2024ê ji bo hilbijartinan hatiye diyarkirin

Serokê Herêma Kurdistanê Nêçîrvan Barzanî diyar kir ku dê hilbijartinên Parlamentoya Kurdistanê 20ê Çiriya Pêşîn a 2024an bên kirin.

Berdevkê Serokatiya Herêma Kurdistanê Dilşad Şehab ragihand, Nêçîrvan Barzanî destnîşan kiriye ku dê hilbijartinê 20ê Çiriya Pêşîn bên lidarxistin.

Dilşad Şehab destnîşan kir ku dê biryar ji îro pê ve bikeve meriyetê û got:“Aliyên pêwendîdar dê bi Komîsyona Hilbijartinan a Serbixwe ya Îraqê re di nava hevahengiyê de bin û dê ji bicihanîna biryarên pêwîst berpirsiyar bin.”

Dilşad Şehab herwiha amaje pê kir ku bîr û rayên hemû aliyên pêwendîdar hatine nirxandin û piştî wê roja hilbijartinan hatiye diyarkirin.

PUKMEDIA