Qubad Talebanî piştevaniya xwe ji qehremaneke werzişa Kurd a navneteweyî re radigihîne

PUKMEDIA

Qubad Talebanî û Qehremanê kurd Mihemed Zeraî

Îro pênşemê 13.06.2024ê li bajarê Hewlêrê, Qubad Talebanî Cîgirê Serokwezîrê Herêma Kurdistanê pêşwaziya Mihemed Zeraî qehremanê kurd ê cîhanê lîstikvanekî navneteweyî yê MMAyê kir û piştevaniya xwe ji bo vî qehremanê kurd û berdewamiya serkeftinên wî yên bi sernavên navdewletî nîşan da.

Di hevdîtinê de cîgirê serokwezîr destxweşî li hewl û berdewamiya Mihemed Zereî kir ku wek lîstikvanekî kurd beşdarî lîskên navdewletî dibe û bi serkeftinên xwe navê kurd û Kurdistanê bilind kir û wî han da ku berdewamiyê li hewlên xwe bo bidestxistina serkeftinên mezintir bike û piştgiriya xwe ji bo wî dubare kir.

Ji aliyê xwe ve Mihemed Zereyî spasiya Qubad Talebanî kir ku berdewam piştevaniya werzişvanên Kurd dike ji bo bidestveanîna xewnên xwe û tomarkirina serkeftinên Kurd û Kurdistanê di qadên navdewletî de.

Mihemed Zereyî ku bi navê (Xorêla Kurd) tê naskirin, xelkê bajarê Senendajê yê rojhilatê Kurdistanê ye, û niha li Nerwêcê dijî.  Di Adara borî de gelek destkeft bi dest anîn  ku ji aliyê navenda werzişî ya Kurdistanê ve hat organîzekirin, ku tê de karibû pêşbirkê bi Heyder Darestanî bike ku 84 kg û bi serket.


PUKMEDIA