Di ser dagirkirina Mûsilê re 10 sal derbas bûn

PUKMEDIA

Şerê DAÎŞê

Îro deh sal bi ser dagîrkirina bajarê Mûsil re derbas dibe ku bi hezaran kes li wir li ser destê DAÎŞê hatin terorkirin û bi hezaran kes neçar bûn ku koçber bibin ku heta niha hinek ji wan venegerîna warên xwe.

Piştî dagîrkirina Mûsilê, terorîstên DAÎŞê dest bi qirkirina bi hezaran mêr û xortên wî bajarî kirin û bi hezaran jin û keç ji bo çeteyên xwe kom kirin ku heta niha çarenivîsa hinek ji wan ne diyar e.

Piştî dagîrkirina Mûsilê, terorîstên DAÎŞê Xîlafeta Îslamî ragihandin û Ebûbekir Bexdadî weke Xelîfeyê Îslamî yê dewleta Êraq û Sûriyê yekem gotara xwe ji Mûsilê pêşkêş kir.
Paşê 45 roj piştî ragihandina xîlafeta Îslamî, terorîstên DAIŞê dest bi dagîrkirina navçeyên din ên Êraqê kirin, bi awayekî ku karîn yek ji sê parên axa Êraqê dagîr bikin û têxin bin kontrola xwe. bi hezaran kes ji hemû pêkhateyên Êraqê, kurd, ereb, şîe, êzdî û mesîhî jî di nav de, ji aliyê terorîstên DAIŞê ve hatin kuştin û ji cih û warên xwe koçber bûn.
û heta niha çend gorên komî wek belgeyên tawanên terorîstên DAIŞê hatine dîtin.


Li gor ku ev çend salin bi ser rizgarkirina Mûsilê derbas bûye, bajar nehatiye avakirin û hinek ji rûniştvanên wê koçber bûne û di kampan de dijîn. ji ber nebûna xizmetguzariyan venegeriyane malên xwe.

PUKMEDIA