Talebanî: Di demek nêzîk de mûçeyên meha Gulanê dê bên parvekirin

Buroya Çapemeniyê ya Qubad Talebanî

Cîgirê Serokwezîr Qubad Talebanî

Cîgirê Serokwezîrê Herêma Kurdistana ragihand :Di demeke nêzîk de dest bi parvekirin mûçeyên meha Gulanê yên hêzên ewlehiyê bike û hêzên asayîşê piştrast dikin ku mûçeyên wan winda nabin.’’

Talebanî: Pirsgirêka mûçeyê hêzên ewlehiyê çareser bû

Cîgirê serokwezîr Qubad Talebanî got:“Pirsa mûçeyên hêzên ewlehiyê hatiye çareserkirin û me ligel hikûmeta Iraqê rêkeftine ku îro yan sibe navên hêzên ewlehiyê bişînin Bexdayê û di vê çarçoveyê de şanda hikûmetê Herêma Kurdistanê dê serdana Bexdayê bike û emê jî hêzên ewlehiyê piştrast bikin ku mûçeyê wan ji dest naçe.”

Talebanî got: “Hikûmeta Iraqê di çend rojên borî de beşek ji mûçeyên fermanberên Herêma Kurdistanê şandiye û dê di demeke nêzîk de dest bi parvekirina  mûçeyan bike.’’

Hin hêzên ewlehiyê zêdetirî 60 roj in mûçeyên xwe wernegirtine

Zêdetirî 60 roj in beşek ji hêzên ewlekarî û leşkerî yên Hikûmeta Herêma Kurdistanê mûçe wernegirtine. Mûçeyên hêzên ewlehiyê ji aliyê hikûmeta Iraqê ve ji ber wê yekê ye neşandiye ku Hikûmeta Herêma Kurdistanê li şûna nav û lîsteyên mûçeyên wan tenê kodên darayî dide.

Qubad Talebanî got: “Me li gel Bexdayê pirsgirêka mûçe çareser kir û îro navên hêzên ewlehiyê dê ji xezîneya Iraqê re bên şandin.’’

PUKMEDIA