Hilbijartinên Parlamentoyê li benda derxistina pêncemîn biryara Serokê Herêmê ne

Kurdistan 08:56 PM - 2024-06-06

Parlemana Êraqê

Piraniya partiyên Kurdistanê, ji bilî partiyeke siyasî, piştevaniya lidarxistina hilbijartinên Parlamentoya Kurdistanê di dema herî zû de dikin, ji ber ku heta niha Serokê Herêma Kurdistanê 4 biryarên herêmî ji bo diyarkirina roja hilbijartinan gera şeşem a parlementoyê derxistiye. hilbijartin rojên diyarkirî de nehatin kirin û niha hilbijartin li benda derxistina biryara pêncem e.

Paşxistina dubare bandoreke neyînî li navûdengê herêmê kir

Derbarê vê mijarê de Parlamenterê Yekîtiya Niştimanî ya Kurdistanê Palambo Mihemed ji malpera fermî PUKMEDIA re axivî û got: Tirsa partiya Kurdistanê ji hilbijartinan û şer heye. li dijî lidarxistina wan hilbijartinan bû sedem ku zêdetir ji carekê helbijartin bên paşxistin û heta niha çar biryarên Herêmê derbarê wan de hatine derxistin û niha jî welatiyên Herêma Kurdistanê li benda derxistina pêncemîn biryarê ji serokatiya herêmê ne ji bo diyarkirina roja nû ya hilbijartinan.

Got jî: helbijartin heta niha çar caran hatîye paşxistin, bi sedema yek aliyek siyasî, lê Yekêtî ya nîştîmanî û aliyên din yên Kurdistanî li gel wê yekê bûn ku helbijartin di roja dîyarkirî de bê encamdan û ev jî asta tirsa wê partiyê nîşan dide, bi taybetî piştî pêkanîna kabîneya nehemîn a hikûmeta herêmê, amaje bi paşxistina çendîn caran ya hilbijartinan kir, ku mafekî demokratî yê gelê Kurdistanê ye, bandoreke nerênî li nav û deng û pêgeha hikûmetê kir li ser asta navneteweyî.

Divê li hemberî paşxistinê helwesteke tund bê girtin

 

Ji aliyê xwe ve, endamê geran pêncem a parlamentoya Kurdistanê yê fireksiyona Yekgirtûya Îslamî ya Kurdistanê Ebûbekir Hildanî di daxuyaniyekê de ji PUKMEDIA re ragihand: “Paşxistina hilbijartinan bi her behane û behaneyekê, behaneyek nayê qebûlkirin û pêwîste hemû alî helwestek tund li hember partiya ku dibe sedema paşxistinê hebe.

Heldanî eşkere kir û got: “Paşxistina dubare ya roja lidarxistina hilbijartinan dê bandorê li ser postê serokê herêmê bike û dê bandoreke nerênî li ser nav û deng û pêkhateya herêmê li ser asta herêmî, Êraqî û navdewletî bike. Destnîşan kir ku bi dawî hatina desthilatên encûmenên parêzgehan, parlemento û hikûmetê û têkdana wan ya qanûnî, bûye sedema gurtirbûna kêşeyan li herêmê.

 

Komîsyon dîrokek nû pêşniyar dike

 

Komisyona Bilind a Serbixwe ya Hilbijartinan piştî ku bi biryara Dadgeha Federalî proseyên teknîkî hatin rawestandin, roja nû ji bo lidarxistina hilbijartinên Parlamentoya Kurdistanê pêşniyar kir.

Komisyonê ji bo destnîşankirina roja nû ya hilbijartinên Parlamentoya Kurdistanê nameyeke fermî ji Serokatiya Herêma Kurdistanê re şand û pêşniyara Serokatiya Herêmê jî kir ku roja 5/9/2024ê weke roja nû ya lidarxistina hilbijartinên Parlamentoya Kurdistanê diyar bike.
Hêjayî gotinê ye ku piştî derxistina biryara Dadgeha Federalî, prosedurên teknîkî yên hilbijartinên Parlamentoya Kurdistanê rawestiyan, lê desteya dadwerî Komîsyona Hilbijartinan neçar kir ku ji bo amadekariyên hilbijartinên Parlamentoya Kurdistanê dest bi prosedurên xwe bike.

 

 

PUKMEDIA