Ji bo pesendkirina budce Sûdanî daxwaza paşxistina serdana parlementeran bo Siûdiyê dike

PUKMEDIA

Parlemana Êraqê

Nêzîkî 100 parlamenterên parlamentoya Êraqê ji bo pêkanîna hecê daxwaza moleta destûrê kirine, ev jî astangî li ber pesendkirina budceya îsal a Êraqê vedike, herweha hilbijartina serokê parlamentoyê jî.

Nêzî 15 parlamenter çavdêriya hecê dikin
Endamê Lijneya Karûbarên Ewqaf a Parlamentoya Êraqê Xerîb Ehmed ji PUKMEDIA re ragihand: Nêzîkî 100 endamên Civata Nûneran daxwaza destûr ji bo çûyîna heca ferz û serdana Erebistana Siûdiyê kirine, ji wan nêzîkî 15 endam ji bo çavdêriya heciyên Êraqî dê biçin Erebistana Siûdiyê.

Xerîb Ehmed got: “Tevî pirsgirêka boykotê, serdana ew qas parlamenteran bo Erebistana Siûdî, dê ji bo pesendkirina bûdceya giştî û hilbijartina serokê parlamentoyê pirsgirêkan çêbike.
 
Sûdan pêşniyar dike ku geşta Erebistana Siûdî were paşxistin
Li gorî nûçeya PUKMEDÎA'yê ku ji encumena nûnerên Êraqê hatine bidestxistin dibêje ku: Serokwezîr Mihemed Şeya Sûdanî pêşniyara paşxistina paşxistina wan parlementaran kiriye ku di rojê erefe de û sê rojên pêş cejna qurbanê sardana Siûdiyê dikin kir da ku ti pirsgkirên di mijara pesendkirina budce û erka parlemanê de cêne be.

Parlamenterê Fraksiyona YNKê li Parlamentoya Êraqê D.Bryar Reşîd ji malpera fermî ya Yekîtiya Niştimanî ya Kurdistanê (PUKMEDIA) re ragihand;Serokwezîr Mihemed Şeya Sûdanî û Çarçoveya Hevahengiyê hewlên xwe ji bo pesendkirin û dengdana li ser guhertinên nexşerêya bûdceyê zêde kirine û dixwazin bûdce berî destpêkirina civîna yekem a yasayî were pesendkirin, ji ber ku êdî karûbarê hikûmetê nayê rawestandin.

Parlamentoya Êraqê ji 339 parlamenteran pêk tê û eger 100 parlamenter ji bo pêkanîna hecê serdana Erebistana Siûdî bikin û îhtîmala boykotkirin û nebûna parlamenteran hebe, dê ji bo pesendkirina bûdceya Êraq pirsgirêk derkeve.

PUKMEDIA