Komîteya Darayî: Xwecihkirina mûçeyên karmendan di bankên hikûmî de

Dezgeha Ragihandina encumena nûneran

Cîvîna komîteya darayî bi wezîrê darayî û pilandanînê re

Komîteya Darayî ya li Meclisa Nûneran civînek berfireh bi Wezîrên Plandanîn û Darayî re li dar xist da ku daneyên li ser tabloyên Qanûna Budceya Giştî ya Federal a sala 2024-an gotûbêj û analîz bikin.

Endamê Lijneya Darayî ya Parlamentoyê Mistefa El-Gerawî ji PUKMEDIA'yê re ragihand: Di civînê de piraniya pirsiyaran derbarê terxankirina dezgehên hikûmetê, parêzgeh û wezaretan û daxuyaniya bûdceya karkirin û veberhênanê bûn.

Got jî: Di civînê de tekez li ser pêwîstiya bi cîbicîkirina mûçeyên karmendan li Herêma Kurdistanê bi rêya mûçeyên rasterast bo karmendan hat kirin û pişka herêmê jî wek terxankirî tê hejmartin û bi berçavgirtina ew qerz û pêşhatên ku ji bo herêmê tên dayîn, hêdî hêdî ji wan bê kêmkirin.

Got jî: biryara dadgeha federalî zelal e û divê mûçeyên karmendan li bankên hikûmetê yên ser bi hikûmeta federalî bên danan û pirojeya (Hesabê min) ku ji alîyê hikûmeta herêma Kurdistanê ve hatî cîbicîkirin nayê qebûl kirin ji ber ku biryara Dadgeha Federal eşkere û zelal e.

El-Gerawî got: Mijara şandina mûçeyên karmendan bi şandina lîsteyan berdewam nabe, û divê mûçeyên karmendan di bankên hikûmetê yên ser bi hikûmeta federal de bên çareserkirin.

Di bûdceyê de pişka Herêma Kurdistanê hatiye diyarkirin

Endama Lijneya Darayî li Civata Nûneran Dr.Nermin Meirûf di daxuyaniyekê de ji PUKMEDIA re ragihand: pişka Herêma Kurdistanê ji bûdceyê zêdetirî 20 trîlyon û 910 milyar dînar e ku 14 trîlyon û 840 milyar dînar ji bo xerciyên operasiyonan hatiye terxankirin û ji vê hejmarê zêdetirî 11 milyar û 500 milyon dînar jî bo mûçe hatiye terxankirin, ku mehane nêzîkî 965 milyar dînar e.

PUKMEDIA