YNK her tim bûye hêviya gelê Kurd

PUKMEDIA

Salvegera YNKê

Yekîtiya Niştimanî ya Kurdistanê (YNK) ji destpêka damezrandina xwe ve, weke hêzeke siyasî û bibandora desthilatdar li Herêma Kurdistanê, Iraq û heta li derveyî welat rola xwe hebûye, di vê qonaxê de piştî kongreya pêncemîn ev helwest zêde bûye û ji pirsgirêkên navxweyî dûr e.

YNK yekgirtî ye

Endama Serkirdatiya Yekîtiya Niştimanî ya Kurdistanê (YNK) Fewziya Nezîr Sabîr ji PUKMEDIA re ragihand:"YNK'ê ne tenê li Herêma Kurdistanê, li Iraq û derveyî welat jî weke hêzeke siyasî û desthilatdar a bibandor rol, pêgeh û giraniya xwe heye û di pratîkê de jî kariye vê yekê îspat bike."

Nezîr her wiha got: ‘’Xweşbextane piştî kongreya pêncem û hilbijartina serokomar, YNK ji her demê zêdetir yekdeng û yekgirtî ye û li Herêma Kurdistanê, Iraq û dervey welat xwediyê pêgeheke girîng û bihêz e.’’

YNK wek mertal mafê gel diparêze

Yekîtiya Niştimanî ya Kurdistanê (YNK) hertim bûye hêvî û piştevanê gelê Herêma Kurdistanê û piştî kongreya pêncem bi bîr û stratejiyeke nû ya guncaw ji bo vê serdemê vegeriya qada siyasî.

Endama Serkirdatiya Yekîtiya Niştimanî ya Kurdistanê (YNK) Pola Sîrwan Talebanî ji PUKMEDIA re ragihand:  “Yekîtiya Niştimanî ya Kurdistanê (YNK) di demekê de hat damezrandin ku bêhêvîbûn li Kurdistanê hebû, careke din hêviyek da gelê Kurd û gel karîbû şoreşeke nû bide destpêkirin.

“Di heman demê de gelê Herêma Kurdistanê YNKê weke mertalek ji bo parastina mafên xwe û bidestveanîna armancên xwe dibîne. Xweşbextane piştî kongreya pêncemîn YNKeke nû, yekgirtî û bi biryar dîsa vegeriya qada siyasî û di vê kongreyê de Serokê YNKê Bafil Celal Talebanî roleke girîng lîst.

YNK bûye rizgarkerê gelê Kurd

Yekîtiya Niştimanî ya Kurdistanê (YNK) ji destpêka damezrandina xwe ve ji bo demokrasî û mafên gelê xwe hewl daye, lewma bûye rizgarkerê gelê Kurd.

Endamê Serkirdayetiya Yekîtiya Niştimanî ya Kurdistanê (YNK) Xedr Mistefa ji malpera fermî ya YNKê re ragihand: "YNK ew hêz e ku ji destpêka damezrandina xwe ve ji bo demokrasî û mafên gelê xwe kar dike. Piştî 10 salên krîza darayî, YNK bûye rizgarkerê gelê Kurd û bidawîkirina qeyranê."

Mistefa got:’’ Li gorî çend salên borî, YNK li herêm, Iraq û navçeyê xwedî pêgeheke bihêztir e û hêviya gelê kurd e  li her çar parçeyan e û hewl dide jiyaneke bi rûmet ji bo gelê kurd dabîn bike.’’

Yekîtiya Niştimanî ya Kurdistanê (YNK) di nava krîzeke mezin a siyasî de hat avakirin û ji roja damezrandina xwe ve, piştî kongreya pêncemîn a Yekîtiya Niştimanî ya Kurdistanê (YNK) prensîbên xwe li ser bingeha demokrasiyê diyar kir û hilbijartina Bafil Celal Talebanî wek serokê YNKê, hêvî, aramî û hêzeke nû da YNKê , bi rûmet û fedakarî vegeriya qada siyasî.

PUKMEDIA