YNKê roja kîmyabarana Helebceyê li seranserê Iraqê wek bihênvedana fermî ragihand

PUKMEDIA

Parêzgeha Helebce

Li ser daxwaza Fraksiyona YNKê, Civata Nûneran ya Iraqê biryar da ku roja 16ê Adarê wek bihênvedana fermî were ragihandin.

Parlamenterê Parlamentoya Iraqê ji Fraksiyona YNKê li ser navê Helebce Çiro Hema Şerîf ji malpera fermî ya Yekîtiya Niştimanî ya Kurdistanê (YNK) PUKMEDIA re ragihand: “Piştî ku Fraksyona me daxwaz kir ku 16ê Adarê ku hevdem e bi roja kîmyabarana Helebceyê û 14ê Nîsanê ku wek roja Enfalê li Herêma Kurdistanê hatiye binavkirin weke bihênvedana ware pejirandin, lê Parlamentoya Iraqê tenê roja 16ê Adarê weke bihênvedana fermî pesend kir li tevahiya Iraqê.”

Çiro Hema Şerîf got: Ev Herêma Kurdistanê jî digre nava xwe, ku mixabin diviyabû gelek pêştir biryar dabû ku roja 16ê Adarê weke bêhnvedana fermî were destnîşan kirin.

Fraksiyona Yekîtiya Niştimanî ya Kurdistanê (YNK) daxwaz ji Hikûmeta Herêma Kurdistanê kir ku roja 16ê Adarê ya hevdem ligel kîmyabarana Helebce û 14ê Nîsanê ku hevdem li gel salvegera Enfalê ye, li seranserê Iraqê wek bihênvedana fermî bên ragihandin.

PUKMEDIA