YNK ti carî alîgirê nemana kursiyên pêkhatan nebûye

PUKMEDIA

Saadî Ehmed Pîre

Yekîtiya Niştimanî ya Kurdistanê (YNK) hertim berevaniya mafên civakên li Kurdistanê kiriye û armanca wê jî hebûna nûnerên xwe di Parlamentoya Kurdistanê de bûye. Peyvdarê YNKê di derbarê biriyara Desteya Dadwerî jib o vegerandina 5 kursiyên pêkhatan got:  “Em rêzê li biryarên Dadgeha Federalî û Dezgeha Dadwerî ya Hilbijartinan digirin û YNK ti carî li gel nebûna kursiyên civatê li Parlamentoya Kurdistanê nebûye.’’

Berdevkê Yekîtiya Niştimanî ya Kurdistanê (YNK) Saadî Ehmed Pîre ji PUKMEDIA re wiha got:  "YNK'ê ti carî daxwaza windakirina kursiyên kpêkhatan li Parlamentoya Kurdistanê nekiriye, berovajî vê biryara Dadgeha Federalî ya li ser windakirina kursiyên pêkhatan, encama xebata pekhatan  li Parlamentoya Kurdistanê bû."

Pîra got: ‘’YNK rêzê li biryarên Dadgeha Federalî ya derbarê kursiyên pêkhatan  di Parlamentoya Kurdistanê de digire û em dixwazin  nûnerên xwe yên rastîn li Parlamentoya Kurdistanê hebin.’’

YNK bi israr e ku hilbijartin di dema xwe de bên kirin

Her wiha YNKê tekezî li ser lidarxistina hilbijartinên parlamentoyê di roja ku ji aliyê serokê Herema Kurdistanê ve hatiye diyarkirin de tekez dike, ji ber ku em di wê baweriyê de ne ku Herêma Kurdistanê pêwîstî bi hikûmet û parlamentoyeke bibandor heye ku tenê bi lidarxistina hilbijartinan pêkan e.
Di çarçoveya 100 kursiyên Perlemana Kurdistanê de, pênc kursî ji bo pêkhatan tên terxankirin, bi vî awayî; Li Hewlêrê du, li Silêmaniyê du û li Dihokê jî yek kursî.

Pêkhatan bê beş nabin ji heqê xwe

Desteya Dadweriyê ya Hilbijartinan, ku girêdayî Encûmena Bilind a Dadweriyê ya Îraqê ye, di bersiva hejmareke skalayan de ku ji aliyê pêkhatên Herêma Kurdistanê ve hatine pêşkêşkirin, biryar da ku di çarçoveya 100 kursiyên Perlemana Kurdistanê de, pênc kursî ji bo pêkhatan bên terxankirin. Yanî 95 kursî dê giştî bin, pênc kursiyên din jî dê girêdayî pêkhatan bin.

Li dû tekista wê biryarê ku duhî (Duşem, 20.05.2024) derkeftiye; pênc kursiyên pêkhatan bi vî awayî li ser parêzgehên Herêma Kurdistanê tên parvekirin:

1.    Hewlêr: Du kursî (Yek ji bo Kiristiyanan û yek ji bo Tirkmenan)

2.    Silêmanî: Du kursî (Yek ji bo Kiristiyanan û yek ji bo Tirkmenan)

3.    Dihok: yek kursî ji bo Ermenan.

Pêştir Dadgeha Federalî ya Îraqê biryar dabû ku hejmara Kursiyên Perlemana Kurdistanê ji bo 100 kursiyan kêm bike, Komisyona Bilind a Serbixwe ya Hilbijartinan jî li dû wê biryarê ew kursî bi vî awayî li ser parêzgehên Herêma kurdistanê belav kiribûn: 34 kursî ji bo Hewlêrê, 38 kursî ji bo Silêmaniyê, 25 kursî ji Dihokê û sê kursî jî ji bo Helebceyê.

Berdevka Komisyona Bilind a Serbixwe ya Hilbijartinan a Îraqê Cumane Xelay Îro ragehand, “Piştî biryara Desteya Dadweriyê ya Hilbijartinan, careke din Encûmena Komisyaran bi merema rêkxistina parvekirina 95 kursiyên din ên Perlemana Kurdistanê li ser parêzgehên Herêma Kurdistanê dicive, piştî ku pênc kursî di çarçoveya 100 kursiyan de ji bo pêkhatan hatin terxankirin”.

PUKMEDIA