Rêxistina Rojnamegeran: Şakar Star li ser daxwaza dozgeriyê hat girtin

Kurdistan 04:40 PM - 2024-05-20

Logoya Rêxistina Nûçegihanan

Serokê Rêxistina Nûçegihanên Pêşxistina Mafên Mirovan derbarê girtina Şakar Star wiha got: “Li gorî encamên lêkolînên me, derketiye holê ku Şakar Star ne endamê Sendîkaya Rojnamegeran e û li ser daxwaza dozgerê giştî û li gor yasaya 226’ê  cezayê ya Iraqê hatiye binçavkirin..’’

Heqaret li xelkê Silêmaniyê kiriye

Serokê Rêxistina Rojnamegerên Pêşxistina Mafên Mirovan Hozan Qadir ji PUKMEDIA re ragihand: “Li gorî lêkolînên me, Şakar Star heqaret li xelkê Silêmaniyê kiriye û behsa têkçûna rewşa ewlehiyê li Silêmaniyê kiriye. Li ser daxwaza dozgerê giştî ew girtîye. Me ji Tiwar Newsê agahî girt ku 5 karmendên din ên Şakar Star li bajarê Silêmaniyê malên wan hene û bê pirsgirêk jiyana xwe ya asayî derbas dikin.’’
Hozan Qadir ragihand:’’Niha Şakar Star li gorî maddeya 226 ya yasaya cezayên Iraqî hatiye binçavkirin û lêkolîn berdewam in. Ew ti pileya endametiyê di Sendîkaya Rojnamevanan de nîn e."

Ew ajansa ewlehiyê bi çendîn tawanên bêbingeh tawanbar dike

Ajansa Asayîşa Herêma Kurdistanê di daxuyaniyekê de ragihand:’’ Tohmetbar (Ş. A. M.) ji ber amadekirin û şandina çend raporên derew û xapînok bo rûpeleke nefermî hatiye girtin.Di raporên xwe de, Asayîşa Kurdistanê bi çendîn tohmetên derew, bêbingeh û xapînok tometbar dike, bi armanca ku alozî, tirs û nîgeraniyê di nav welatiyan de çêbike.”

Di daxuyaniyê de wiha hat gotin: “Gûmanbar li gorî xala 226’an a Qanûna Cezayê hatiye binçavkirin û lêpirsîn berdewam dike.’’

PUKMEDIA