Nêrweyî: Nûçeya Xebat peyameke îstixbaratê ye

PUKMEDIA

Birêz Letîf Nêrweyî

Berpirsê desteya ragihandinê ya Yekîtiya Niştimanî ya Kurdistanê (YNK) dibêje, nûçeya rojnameya Xebat ti peyameke medyayî û durustî nîne, belku peyameke istixbaratî ye û ragihand:“Eger dixwazin bizanin PKK li ku ye, ne mecbûr in biçin Silêmaniyê, lê li nexşeya PKKê ya Herêma Kurdistanê binêrin.’’

Berpirsê Desteya Ragihandinê ya Yekîtiya Niştimanî ya Kurdistanê (YNK) Letîf Nêrweyî ji medyayê re ragihand; "Mixabin Xebat rojnameyeke fermî ye û zimanê partiyeke siyasî ye. Dema ku di rûpela yekem de vê peyamê diweşîne, em wê weke peyameke îstixbaratê dibînin, ne weke peyameke medyayî ya rastgoyî û berpirsyarî."

“Eger dixwazin bizanin PKK li ku ye, ne mecbûr in biçin Silêmaniyê, lê li nexşeya PKKê ya li herêmê binêrin. Ew bi piranî li cihên di bin kontrola wan de ne, Hewlêr û Duhok jî di nav de ne. Divê ji wir bên derxistin û paşê giliyê Silêmaniyê bikin."Got

Her wiha got: “Bilav kirina propaganda û nûçeyên bi vî rengî zirarê dide ewlehî û pêşeroja Herêma Kurdistanê, ku bi giştî ziyanê digihîne gelê herêmê”.

PUKMEDIA